“L-​Akbar Xewqa Tiegħi”

Klassi taʼ studenti fi Vranje, il-​Jugoslavja, ngħataw l-​inkarigu li jiktbu komponiment bit-​titlu t’hawn fuq. Sergej, tifel taʼ tmien snin, kiteb dan il-​komponiment li iktar tard twaħħal f’post prominenti fl-​iskola biex kulħadd ikun jistaʼ jaqrah.

“Għall-​ewwel xtaqt nikteb li l-​akbar xewqa tiegħi hija li nispiċċa l-​iskola bl-​aħjar riżultati u li mmur Belgrad għal vaganza. Imma meta kont id-​dar bdejt naħseb dwar xi ħaġa oħra. L-​akbar xewqa tiegħi hija li d-​dinja kollha tkun fil-​paċi, li n-​nies kollha jgħixu ferħanin, u biex ikunu jħobbu u jgħinu lil xulxin. Nixtieq li n-​nies kollha jkunu f’saħħithom u li l-​pjaneta tagħna tkun iktar nadifa milli hi issa.

“Illum l-​art hija mniġġsa bil-​kimiċi. L-​ilma u l-​arja huma kontaminati wkoll. Minħabba l-​ġuħ li hawn fid-​dinja, eluf taʼ tfal qegħdin imutu kuljum, u ħafna iktar qegħdin imutu minħabba l-​mard. Nixtieq li dan kollu jisparixxi, u nixtieq li t-​tfal kollha jħossu l-​imħabba tal-​ġenituri tagħhom, sabiex ikunu jistgħu jmorru jorqdu ferħanin u henjin, billi jkunu jafu li kull ġurnata ġdida se tkun jum sabiħ. Dan m’huwiex possibbli f’din id-​dinja, imma fil-​futur se jkun. Din hija l-​akbar xewqa tiegħi.”

Sergej għala kien tant ċert li dawn l-​affarijiet se jseħħu? Hu jemmen fil-​wegħdi t’Alla kif inhuma deskritti fil-​Bibbja. Il-​browxer Veru li Alla Jimpurtah Minna? jiddeskrivi dawn il-​wegħdi fis-​sezzjoni intitolata “Id-​Dinja Ġdida Meraviljuża li Se Jagħmel Alla.” Int tistaʼ tikseb kopja taʼ dan il-​browxer billi timla u tibgħat il-​kupun mehmuż fl-​indirizz provdut jew fl-​indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​browxer Veru li Alla Jimpurtah Minna? Indika liema lingwa .

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.