Tafha t-Tweġiba?
(Tistaʼ ssib it-tweġibiet għal dan il-kwizz fil-versi ċitati mill-Bibbja, u l-lista sħiħa tat-tweġibiet hija stampata hawn taħt. Għal iktar informazzjoni, irreferi għall-pubblikazzjoni “Insight on the Scriptures,” pubblikata mix-Xhieda taʼ Ġeħova.)
1. Skond Pietru, Alla għal liema raġuni għamel lill-Iżrael spiritwali r-“razza magħżula” minnu? (1 Pietru 2:9)
2. Liema kien l-ewwel miraklu taʼ Ġesù, u fejn wettqu? (Ġwanni 2:1-11)
3. Alla minn xiex ħalaq lil Eva, is-sieħba taʼ Adam? (Ġenesi 2:22)
4. L-ulied subien taʼ liema raġel prominenti f’Iżrael kienu magħrufin bħala “nies mill-agħar”? (1 Samwel 2:12)
5. Liema kejl tal-qedem kien daqs il-ħomer u kien jiswa daqs għaxar banjijiet? (Luqa 16:7)
6. Għalkemm il-Fariżej kienu jafu jinterpretaw id-dehra tas-sema, Ġesù x’qal li ma kinux jafu jinterpretaw? (Mattew 16:3)
7. Fil-profezija t’Eżekjel, min jattakka l-poplu t’Alla, li qed jiffjorixxi u jgħix fis-sigurtà? (Eżekjel 38:14-16; 39:11)
8. Ġesù għala qal li l-qima li taw il-mexxejja reliġjużi ‘b’xofftejhom’ kienet għalxejn? (Marku 7:6, 7)
9. Liema iben taʼ Noè kien involut fi ġrajja li rriżultat f’saħta għal ibnu Kangħan? (Ġenesi 9:22-25)
10. L-art taʼ liema poplu saret tfisser l-istess bħall-iktar post imbiegħed fit-tramuntana taʼ l-art taʼ Iżrael? (Mħallfin 20:1)
11. Neħemija ma xiex qabbel il-prospett taʼ mewta qabel il-waqt? (Isaija 38:12)
12. Wara li kien wera diżubbidjenza lejn Alla u għamel ċensiment taʼ Iżrael, David liema kastig għażel meta ġie mistoqsi biex jagħżel minn tliet kastigi? (2 Samwel 24:12-15)
13. Liema tliet kotba Bibliċi kiteb il-qassis Lhudi Esdra?
14. Il-Gvernatur Feliċ sar jaf li Pawlu kien minn liema provinċja? (Atti 23:34)
15. Min qeda bħala l-kap taʼ l-armata kemm għal Absalom fir-ribelljoni tiegħu kontra David u kemm għal David wara li Absalom inqatel? (2 Samwel 17:25; 19:13)
16. Il-Ġeneral Ġowab lil min għażel biex iwassal l-aħbar lis-Sultan David li Absalom, iben David, kien miet? (2 Samwel 18:21, 32)
17. X’ġiegħel lil Ġakobb jikkonkludi li ibnu Ġużeppi kien inqatel minn bhima salvaġġa? (Ġenesi 37:31-33)
18. X’kien jismu l-anġlu li qal lil Marija li kienet intgħażlet biex tiled lil Ġesù? (Luqa 1:26-31)
Tweġibiet tal-Kwizz
1. Biex huma ‘jxandru maʼ kullimkien il-kwalitajiet eċċellenti’ t’Alla
2. Bidel l-ilma f’inbid; Kana
3. Minn kustilja li ħa minn Adam
4. Għeli
5. Xkora kbira
6. “Is-sinjali taż-żminijiet”
7. Gog u “l-kotra tiegħu”
8. Għaliex ‘qlubhom kienu mbegħdin minnu’
9. Ħam
10. Dan
11. Maʼ nissieġ li jaqtaʼ l-ħajt min-newl
12. Il-pesta
13. L-Ewwel Kronaki, it-Tieni Kronaki, Esdra
14. Miċ-Ċiliċja
15. Għamaxa
16. Lil wieħed Kusi
17. Ġie muri l-libsa twila rrigata taʼ Ġużeppi, li kienet ġiet imċappsa bid-demm taʼ gidi
18. Gabrijel