Min Kien Ġesù?

Ġeħova bagħat lil Ġesù fuq l-​art. 1 Ġwanni 4:9

Jekk irridu nogħġbu lil Ġeħova jeħtieġ li nisimgħu minn persuna oħra importanti. Ħafna qabel ma ħalaq lil Adam, Ġeħova ħalaq anġlu setgħan fis-​smewwiet.

Maż-​żmien, Ġeħova bagħat lil dan l-​anġlu biex jitwieled f’Betlehem lil tfajla verġni jisimha Marija. Dan l-​iben ġie msemmi Ġesù.​—Ġwanni 6:38.

Bħala bniedem fuq l-​art, Ġesù rrifletta l-​kwalitajiet t’Alla b’mod perfett. Hu kien bniedem li tħossok komdu miegħu, qalbu tajba, u jaf iħobb. Bla biżaʼ, hu għallem lil oħrajn il-​verità dwar Ġeħova.

Ġesù għamel it-​tajjeb imma kien mistmerr. 1 Pietru 2:21-​24

Ġesù fejjaq ukoll lill-​morda u reġaʼ ta l-​ħajja lil xi wħud li kienu mietu.

Il-​mexxejja reliġjużi kienu jobogħdu lil Ġesù minħabba li kien jikxef it-​tagħlim falz u l-​modi mill-​agħar tagħhom.

Il-​mexxejja reliġjużi kkonvinċew lir-​Rumani biex isawtu lil Ġesù u joqtluh.