Kif tuża dan il-ktejjeb

Fil-​paġni li ġejjin, se ssib skrittura għal kull ġurnata u kummenti fuq dak il-​vers. Għalkemm il-​vers u l-​kummenti jistgħu jinqraw fi kwalunkwe ħin, ħafna jsibu li jkun taʼ vantaġġ li jikkunsidrawhom filgħodu. Imbagħad, ikunu jistgħu jaħsbu dwar dawn il-​ħsibijiet matul il-​jum. Hu taʼ benefiċċju kbir li l-​vers jiġi diskuss bħala familja. Il-​familji taʼ Betel madwar id-​dinja jagħmlu dan fil-​ħin tal-​kolazzjon.

Il-​kummenti huma meħudin mill-​ħarġiet tat-​Torri tal-​Għassa (w) t’April 2016 sa Marzu 2017. In-​numru wara d-​data tal-​ħarġa tat-​Torri tal-​Għassa jindika jekk il-​kumment ikunx ittieħed mill-​ewwel, mit-​tieni, mit-​tielet, mir-​rabaʼ, jew mill-​ħames artiklu għall-​istudju taʼ dik il-​ħarġa. Dan jiġi segwit mill-​paragrafi fejn ikun jinsab il-​materjal. (Ara l-​eżempju hawn taħt.) Tistaʼ ssib iktar tagħrif dwar is-​suġġett fl-​artiklu nnifsu. Biex issib minn fejn jibda kull artiklu, ara t-​tieni paġna taʼ dik il-​ħarġa tat-​Torri tal-​Għassa.