Proklamaturi tas-​Saltna Jirrapportaw

Nikkonformaw Umilment mal-​Mod taʼ Jehovah

“FITTXU l-​Mulej ilkoll, intom, l-​umli taʼ l-​art.” Din l-​istedina, ipproklamata mill-​profeta Ebrew Sofonija ’l fuq minn 26 seklu ilu, għadha qed tiġi offruta lin-​nies maʼ l-​art kollha llum. (Sofonija 2:3) X’ifisser li tfittex lil Jehovah? L-​ewwel ħaġa li trid tagħmel hija li tieħu għarfien dwar Jehovah, l-​uniku Alla veru u ħaj.—Ġeremija 10:10; Ġwann 17:3.

Madankollu, li tieħu għarfien ma jwassalx fih innifsu għal waqfa approvata quddiem Alla. Biex individwu jikseb il-​favur t’Alla, irid ukoll japplika dan l-​għarfien. Kif? Billi jikkonforma umilment il-​ħsibijiet u l-​kondotta tiegħu mal-​livelli t’Alla, bħalma huwa muri mill-​esperjenza li ġejja mis-​Surinam.—Efesin 4:22-24.

Eddy, għalliem li kellu madwar 35 sena, kien imxennaq biex ikollu tweġibiet sodisfaċenti għal mistoqsijiet bħalma huma: ‘Ir-​reliġjon liema rwol għandha fis-​soċjetà tal-​lum?’ u ‘Taqbel il-​Bibbja, ktieb tant antik, max-​xjenza moderna?’ Meta żaruh ix-​Xhieda taʼ Jehovah u offrewlu tweġibiet ibbażati fuq il-​Bibbja għal dawn il-​mistoqsijiet, Eddy qagħad attent jismaʼ. Saħansitra ħa xi noti sabiex jiċċekkja l-​ispjegazzjonijiet tax-​Xhieda.

Qabel, Eddy kien assoċja maʼ reliġjon li għallmitu li l-​bnedmin kienu r-​riżultat aħħari taʼ meta Alla mmodifika x-​xadini. Għalhekk, meta x-​Xhieda offrewlu l-​pubblikazzjoni Life​—How Did It Get Here? By Evolution or by Creation? hu aċċettaha bil-​ferħa. L-​ispjegazzjoni ċara fil-​ktieb dwar ir-​rakkont Bibliku tal-​ħolqien impressjonatu. Permezz taʼ l-​istudju tiegħu tal-​Bibbja, hu kkonvinċa ruħu li kien sab il-​verità!

Imma issa ffaċċja prova. Eddy kien jgħix f’dar fejn is-​serq u d-​diżonestà kienu xi ħaġa normali. B’hekk, kellu għażla quddiemu: jew isegwi l-​mod taʼ ħajja korrott taʼ sħabu li kien jgħix magħhom jew jiċħad din il-​kondotta biex jagħżel stil taʼ ħajja li jigglorifika lil Alla. B’mod għaqli, Eddy għażel din taʼ l-​aħħar. Hu qataʼ kull sħubija ħażina u telaq minn dik id-​dar.—1 Korintin 15:33, 34.

Eddy għamel progress mgħaġġel wara li beda jattendi għal-​laqgħat fis-​Sala tas-​Saltna. Hu tejjeb ukoll il-​mod kif kien jilbes u l-​komportament tiegħu u beda jitkellem maʼ ħbiebu u qrabatu dwar dak li kien qiegħed jitgħallem. Iktar tard, il-​ferħ tiegħu żdied meta ġie approvat biex jieħu sehem f’li jippriedka pubblikament l-​“aħbar tajba.” (Mattew 24:14; Atti 20:20) F’Diċembru 1996 wasal il-​jum tant mistenni meta hu ssimbolizza d-​dedikazzjoni tiegħu lil Jehovah permezz tal-​magħmudija taʼ l-​ilma.

Kull sena, mijiet t’eluf taʼ nies b’qalb onesta jwieġbu għall-​istedina biex ‘ifittxu lil Jehovah.’ Meta jagħmlu hekk, dawn jesperjenzaw il-​verità taʼ Proverbji 22:4, li jgħid: “Min jiċċekken u jibżaʼ mill-​Mulej, jieħu bi ħlasu għana, ġieħ u ħajja.” Iva, billi jikkonformaw umilment mal-​mod taʼ Jehovah, dawk li jħobbu l-​verità jgawdu barkiet bħal dawn issa, u jħarsu b’fiduċja ’l quddiem lejn barkiet eterni preċiż hawn fuq l-​art.—Salm 37:29.

[Mapep f’paġna 18]

(Għall-formazzjoni sħiħa tat-​test, ara pubblikazzjoni.)

Il-​Baħar Karibew

IL-​GUJANA

IS-​SURINAM

IL-​GIJANA FRANĊIŻA

IL-​BRAŻIL

[Sors]

Il-​Globu: Mountain High Maps® Dritt taʼ l-​awtur © 1997 Digital Wisdom, Inc.