L-​Umanità Tfittex li Togħġob lil Alla

“QATT ma kien hawn soċjetà umana li Alla ma ħax parti fiha, ġeneralment parti li tikkontrolla u li toħloq. Dan hu minnu wkoll dwar dawk is-​soċjetajiet li għażlu li jkunu atei.” Hekk jgħid John Bowker fil-​ktieb tiegħu God—A Brief History. B’xi mod, it-​tfittxija biex jinstab Alla u jinkiseb il-​favur tiegħu kienet karatteristika komuni fl-​imġiba tal-​bniedem. Madwar id-​dinja, hemm ħafna li għandhom xewqa sinċiera li jogħġbu lil Alla. M’għandniex xi ngħidu, il-​mod li bih jipprovaw jagħmlu dan ivarja skond it-​twemmin tagħhom.

Xi wħud jemmnu li kulma għandek bżonn biex tikseb il-​favur t’Alla huwa li tgħix ħajja tajba. Oħrajn iħossu li jirbħu l-​approvazzjoni t’Alla billi jagħmlu l-​karità mal-​foqra. Jerġaʼ mbagħad, hemm miljuni taʼ nies li għalihom iċ-​ċerimonji u r-​ritwali reliġjużi huma l-​iktar importanti.

Mill-banda l-​oħra, hemm dawk li jemmnu li lil Alla ma jistgħux jilħquh—qiegħed ’il bogħod wisq jew hu okkupat iżżejjed bi kwistjonijiet oħrajn biex jagħti kas in-​nies ordinarji. Hemm min jgħid li l-​filosfu Epikuru tal-​Greċja tal-​qedem kien jemmen li ‘l-​allat tant huma ’l bogħod li la jistgħu jagħmlulek ħsara u lanqas ġid.’ Minkejja dan, ħafna li jaħsbuha hekk huma reliġjużi. Xi wħud jistgħu saħansitra joffru sagrifiċċji u jwettqu ritwali bit-​tama li jogħġbu lill-​antenati mejtin tagħhom.

X’taħseb int? Jinnotahom tassew Alla l-​isforzi tagħna biex niksbu l-​favur tiegħu? Huwa possibbli għalina li mmissu qalb Alla u li nogħġbuh?

[Sors tal-​Istampa on page 2]

QOXRA: Courtesy of ROE/Anglo-Australian Observatory, photograph by David Malin