IL-​BIBBJA X’TGĦID?

X’jiġri meta mmutu?

XI NIES JEMMNU li ngħixu f’għamla oħra, filwaqt li oħrajn iħossu li mal-​mewt jispiċċa kollox. Int x’temmen?

DAK LI TGĦID IL-​BIBBJA

“Il-​mejtin ma jafu assolutament xejn.” (Ekkleżjasti 9:5) Meta mmutu nieqfu neżistu.

X’NITGĦALLMU IKTAR MILL-​BIBBJA

• L-​ewwel raġel, Adam, reġaʼ mar lura lejn it-​trab meta miet. (Ġenesi 2:7; 3:19) Bl-​istess mod, kull min imut jerġaʼ lura lejn it-​trab.—Ekkleżjasti 3:19, 20.

• Nies li jmutu huma meħlusin, jew maħfurin, minn dnubiethom. (Rumani 6:7) M’hemmx iżjed kastigi għad-​dnub wara li persuna tmut.

Jistgħu l-​mejtin jerġgħu jgħixu?

X’KONT TGĦID?

• Iva

• Le

• Forsi

DAK LI TGĦID IL-​BIBBJA

“Se jkun hemm irxoxt.” —Atti 24:15.

X’NISTGĦU NITGĦALLMU IŻJED MILL-​BIBBJA?

• Spiss il-​Bibbja tqabbel il-​mewt mal-​irqad. (Ġwanni 11:11-​14) Alla jistaʼ jqajjem lill-​mejtin, eżattament bħalma aħna nistgħu nqajmu lil xi ħadd li jkun rieqed.—Ġob 14:13-​15.

• Il-​Bibbja fiha diversi eżempji taʼ rxoxt, u b’hekk tagħtina bażi solida biex nemmnu li l-​mejtin se jiġu mqajmin.—1 Slaten 17:17-​24; Luqa 7:11-​17; Ġwanni 11:39-​44.