Tfakkiriet Tal-​Mafkar

Dawn li ġejjin jeħtieġ li jingħataw attenzjoni qabel l-​osservanza tal-​Mafkar nhar it-​Tlieta, 2 t’April:

◼ Kulħadd, inkluż il-​kelliemi, għandu jiġi infurmat bil-​ħin eżatt u l-​post għaċ-​ċelebrazzjoni.

◼ Għandu jiġi akkwistat u ppreparat it-​tip taʼ ħobż u nbid xieraq.​—Ara It-​Torri Taʼ L-​Għassa tal-​15 taʼ Marzu, 1985, paġna 17 (w85 2/15, p. 19).

◼ Mejda xierqa, tvalja, platti, u tazzi għandhom jittieħdu fis-​sala minn qabel u rranġati f’posthom.

◼ Is-​Sala tas-​Saltna, jew xi post ieħor fejn se ssir il-​laqgħa, għandha titnaddaf bir-​reqqa minn qabel.

◼ L-​attendants u dawk li se jservu għandhom jintgħażlu u jingħataw istruzzjonijiet minn qabel dwar il-​proċedura korretta u l-​inkarigi tagħhom.

◼ Għandhom isiru arranġamenti biex jiġu servuti xi wħud mill-​midlukin li huma morda u li mhux possibbli għalihom li jkunu preżenti.

◼ Meta hija ppjanata iktar minn ċelebrazzjoni waħda fl-​istess Sala tas-​Saltna, għandu jkun hemm koordinazzjoni bejn il-​kongregazzjonijiet biex jiġi evitat iffollar bla bżonn fl-​intrata, fil-​bieb tad-​dħul, barra fuq il-​bankina, u fejn jipparkjaw il-​karozzi.