Laqgħat tas-Servizz għal Ottubru
Ġimgħa Li Tibda 7 t’Ottubru
10 min: Avviżi lokali. Avviżi magħżulin minn Il-Ministeru Tas-Saltna. Ikkummenta fuq ir-rapport tas-servizz taʼ l-għalqa għal Ġunju kemm tal-pajjiż u kemm tal-kongregazzjoni lokali.
15 min: Kaxxa Għall-Mistoqsija. L-indokratur tas-servizz jew anzjan ikkwalifikat ieħor jiddiskuti l-informazzjoni maʼ l-udjenza.
20 min: “Ipprepara L-Preżentazzjoni Tiegħek Stess Bir-Rivisti.” (Paragrafi 1-7) Staqsi mistoqsijiet fuq paragrafi 1-4, u mbagħad ħejji tnejn jew tliet turijiet qosra biex turi kif jistgħu jiġu offruti r-rivisti kurrenti, billi jintużaw is-suġġerimenti f’paragrafi 5-7. Inkludi xi kummenti li hemm f’It-Torri Taʼ L-Għassa taʼ l-1 taʼ Ġunju, 1987, paġna 12, paragrafi 8-9 (w87 3/1, p. 17, pari. 8-9).
Għanja 222 u talba taʼ l-għeluq.
Ġimgħa Li Tibda 14 t’Ottubru
10 min: Avviżi lokali. Rapport tal-kontijiet.
15 min: “Nippubblikaw Aħbar Tajba Taʼ Xi Ħaġa Aħjar.” Mistoqsijiet u tweġibiet. Semmi xi ftit mill-artikli li spikkaw matul is-snin u li dehru f’It-Torri Taʼ L-Għassa.—Ara It-Torri Taʼ L-Għassa taʼ l-1 taʼ Ġunju, 1987, paġna 8 (w87 3/1, p. 13.)
20 min: “Ipprepara L-Preżentazzjoni Tiegħek Stess Bir-Rivisti.” (Paragrafi 8-11) Mistoqsijiet u tweġibiet. Inkludi xi kummenti fuq l-erbaʼ suġġerimenti f’It-Torri Taʼ L-Għassa taʼ l-1 taʼ Jannar, 1994, paġni 28-9, paragrafi 18-21 (w94 1/1, pġi. 24-5, pari. 18-21). Billi tuża l-ħarġiet tar-rivisti t’Ottubru, uri kif wieħed jipprepara preżentazzjoni: (1) Agħżel artiklu li x’aktarx se jqajjem l-interess fit-territorju tiegħek, (2) sib xi punt interessanti li tistaʼ turi, (3) aħseb f’mistoqsija li tistaʼ tiġi wżata biex tiġbed l-attenzjoni lejn dak il-punt, (4) sib skrittura li tistaʼ taqraha jekk tingħata l-opportunità, u (5) ipprepara l-kliem tiegħek tal-ftuħ u dak li se tgħid fuq ir-rivista sabiex tħeġġeġ lill-inkwilin biex jaċċettah. Ħejji tnejn jew tliet pubblikaturi kapaċi biex jagħmlu preżentazzjoni kull wieħed. Inkludi żagħżugħ li jagħmel offerta sempliċi tar-rivisti. Dawn għandhom isemmu li jiġu aċċettati donazzjonijiet għax-xogħol tagħna madwar id-dinja kull meta jqum is-suġġett tal-ħlas.
Għanja 83 u talba taʼ l-għeluq.
Ġimgħa Li Tibda 21 t’Ottubru
15 min: Avviżi lokali. Spjega kif wieħed jibda rotta bir-rivisti: (1) Niżżel kull rivista li ħallejt u l-artiklu li ġie muri, (2) irranġa biex terġaʼ tmur bil-ħarġiet li jmiss, u (3) warrab ħin speċifiku fl-iskeda taʼ servizz tiegħek taʼ kull ġimgħa biex tagħmel dawn iż-żjajjar. Ftakar biex tniżżel kull żjara bir-rivisti bħala żjara lura.
15 min: “Aħdem It-Territorju Tiegħek Bir-Reqqa.” Iddiskuti l-artiklu u x’inhuma l-arranġamenti lokali biex jinħadmu n-negozji. Stieden lil xi wħud mill-udjenza biex jirrakkontaw xi esperjenzi inkuraġġanti li gawdew meta ħadmu l-ħwienet inklużi fit-territorju tagħhom.
15 min: Bżonnijiet lokali. Jew taħdita minn anzjan fuq l-artiklu “Maintain Your Confidence Firm to the End,” mill-Watchtower taʼ l-1 taʼ Mejju, 1996, paġni 21-4.
Għanja 12 u talba taʼ l-għeluq.
Ġimgħa Li Tibda 28 t’Ottubru
10 min: Avviżi lokali. Billi ġejjin ħafna vaganzi dinjin f’Novembru u Diċembru, u b’hekk dak li jkun ikollu vaganza mix-xogħol sekulari u mill-iskola, ħeġġeġ lil kulħadd biex jaħseb dwar il-possibiltà li jinkiteb bħala pijunier awżiljarju. Ħeġġeġ lil kulħadd biex jitfaʼ r-rapport tiegħu tas-servizz taʼ l-għalqa f’Ottubru fi tmiem din il-ġimgħa.
20 min: “Kif Nixtru L-Ħin Opportun.” Mistoqsijiet u tweġibiet. Inkludi xi kummenti mit-Torri Taʼ L-Għassa taʼ l-1 taʼ Ġunju, 1990, paġni 12-13, paragrafi 7-11 (w89 12/1, pġi. 16-17, pari. 7-11).
15 min: Irrevedi L-Offerta Tal-Letteratura Għal Novembru. Se jiġi offrut il-ktieb Għarfien, u se jsir sforz speċjali biex immorru lura kulfejn inkunu ħallejna xi ktieb, bil-ħsieb li nibdew studji tal-Bibbja fid-dar. Tnejn jew tliet pubblikaturi kapaċi jiddiskutu l-valur tal-ktieb u kif jistaʼ jiġi wżat. L-informazzjoni li fih teffettwa l-ħajjiet tan-nies taʼ kull livell. Ikopri s-suġġetti u l-prinċipji fundamentali tal-Bibbja li wħud ġodda għandhom bżonn jifhmu qabel ma jiġu mgħammdin. Jekk inżommu l-istudju miexi b’pass tajjeb, l-istudent jistaʼ jagħmel progress mgħaġġel. Iddiskuti u uri kif wieħed jistaʼ jibda studju billi juża l-metodu dirett: Irrevedi l-istampa u l-kliem li hemm miktub fuqha f’paġni 4-5; spjega l-metodu tagħna taʼ studju; iddiskuti fil-qosor l-ewwel ħames paragrafi taʼ kapitlu 1; agħmel appuntament biex tmur darb’oħra u tkompli d-diskussjoni, billi twieġeb il-mistoqsija, Hija l-ħajja taʼ dejjem ħolma biss? Enfasizza l-ferħ li jiġi mill-privileġġ taʼ li nikkonduċu studju tal-Bibbja fid-dar.
Għanja 162 u talba taʼ l-għeluq.