Avviżi
◼ Offerta tal-letteratura għal Jannar: Magħqudin Fil-Qima. Il-kongregazzjonijiet li m’għandhomx provista taʼ dawn il-kotba jistgħu joffru Int Tistaʼ Tgħix Għal Dejjem Fil-Ġenna Fuq L-Art. Frar: Int Tistaʼ Tgħix Għal Dejjem Fil-Ġenna Fuq L-Art. Marzu: Għarfien Li Jwassal Għall-Ħajja Taʼ Dejjem. Ikkonċentra fuq li tibda studji tal-Bibbja fid-djar. April: Kopji individwali taʼ It-Torri taʼ l-Għassa u Stenbaħ! bil-Malti u bl-Ingliż.
◼ Il-pubblikaturi mgħammdin kollha preżenti għal-Laqgħa tas-Servizz fil-ġimgħa tal-5 taʼ Jannar se jingħataw l-Advance Medical Directive/Release card u l-Identity Card għal uliedhom.
◼ B’seħħ mill-bidu taʼ Frar, u mhux iktar tard mill-1 taʼ Marzu, it-taħdita pubblika l-ġdida għall-indokraturi tas-circuit se tkun “Għandek l-Istess Ħarsa taʼ Alla Dwar il-Ħajja?”
◼ Il-kongregazzjonijiet għandhom jagħmlu arranġamenti konvenjenti biex jiċċelebraw il-Mafkar din is-sena nhar is-Sibt, 11 taʼ April, wara nżul ix-xemx. Għalkemm it-taħdita tistaʼ tibda iktar kmieni, it-tqassim taʼ l-emblemi tal-Mafkar m’għandux jibda qabel inżul ix-xemx. Iċċekkja maʼ sorsi lokali biex tiddetermina meta jseħħ inżul ix-xemx fil-lokalità tiegħek. Għalkemm huwa mixtieq li kull kongregazzjoni jkollha ċ-ċelebrazzjoni tal-Mafkar tagħha stess, dan mhux dejjem jistaʼ jkun possibbli. Fejn normalment għadd taʼ kongregazzjonijiet jużaw l-istess Sala tas-Saltna, forsi kongregazzjoni waħda jew iktar jistgħu jiksbu l-użu taʼ xi faċilità oħra għal dik il-lejla. Il-Mafkar m’għandux jibda tant tard li wħud ġodda li juru interess isibuha inkonvenjenti li jattendu. Lanqas m’għandha l-iskeda tkun daqshekk mimlija li ma jifdalx ħin qabel jew wara ċ-ċelebrazzjoni biex jiġu milqugħin il-mistednin, jintgħamlu xi arranġamenti għal tkomplija taʼ assistenza spiritwali għal uħud interessati, jew jitgawda tpartit taʼ inkuraġġiment inġenerali. Wara li bir-reqqa jiġu kkunsidrati l-fatturi kollha, l-anzjani għandhom jiddeċiedu liema arranġamenti se jgħinu bl-aħjar mod lil dawk li jattendu għall-Mafkar biex jibbenefikaw bis-sħiħ mill-okkażjoni.
◼ It-taħdita pubblika speċjali għall-istaġun tal-Mafkar 1998 se tingħata nhar il-Ħadd, 29 taʼ Marzu. Outline se jkun ipprovdut. Dawk il-kongregazzjonijiet li se jkollhom iż-żjara taʼ l-indokratur tas-circuit, l-assemblea tas-circuit, jew il-jum taʼ assemblea speċjali f’dak tmiem il-ġimgħa se jkollhom it-taħdita speċjali l-ġimgħa taʼ wara. L-ebda kongregazzjoni m’għandu jkollha t-taħdita speċjali qabel id-29 taʼ Marzu, 1998.
◼ Il-ġemgħa taʼ l-anzjani għandha żżomm f’moħħha li dawn il-bidliet li ġejjin huma meħtiġin meta l-kongregazzjoni tattendi l-assemblea lokali: Meta jum taʼ assemblea speċjali jkun fl-iskeda, il-kongregazzjoni għandu jkollha l-laqgħat tas-soltu kollha matul dik il-ġimgħa, ħlief li l-Laqgħa Pubblika u l-Istudju taʼ It-Torri taʼ l-Għassa jiġu kkanċellati. Meta l-kongregazzjoni tkun ippjanata li tattendi assemblea tas-circuit, din trid tikkanċella wkoll l-Iskola tal-Ministeru Teokratiku u l-Laqgħa tas-Servizz; l-Istudju tal-Ktieb tal-Kongregazzjoni biss se jinżamm lokalment matul dik il-ġimgħa.
◼ B’seħħ mill-ġimgħa taʼ l-4 taʼ Mejju, 1998, u jkompli sal-ġimgħa taʼ l-14 taʼ Settembru, 1998, Il-Bibbja—Il-Kelma t’Alla jew tal-Bniedem? se jiġi kkunsidrat fl-Istudju tal-Ktieb tal-Kongregazzjoni.