L-​ispirtu taʼ Jehovah Qiegħed Magħna

¹ Bħala Xhieda taʼ Jehovah, għandna inkarigu taʼ xogħol tremend. Ġesù qal: “L-​ewwel jeħtieġ li l-​Evanġelju jkun imxandar lill-​ġnus kollha.” (Mk. 13:10) Meta tħares lejh minn lat uman, dan jidher impossibbli, imma mhux hekk. Aħna għandna l-​aqwa forza fl-​univers li qed tappoġġjana​—l-​ispirtu t’Alla.​—Mt. 19:26.

² Evidenza mill-​Ewwel Seklu: Billi applika l-​profezija taʼ Isaija għalih innifsu, Ġesù qal: “L-​Ispirtu tal-​Mulej fuqi, . . . [ħa] nwassal il-​bxara t-​tajba.” (Lq. 4:​17, 18) Qabel ma telaʼ s-​sema, hu qal lill-​appostli tiegħu li huma bl-​istess mod kellhom jingħataw il-​qawwa mill-​ispirtu qaddis biex jagħtu xiehda “sa truf l-​art.” Wara dan, Filippu ġie ddireġut mill-​ispirtu qaddis biex jippriedka lill-​uffiċjal tal-​qorti Etjopjan, l-​ispirtu bagħat lil Pietru għand ċenturjun Ruman, u bagħat lil Pawlu u lil Barnaba biex jippridkaw lill-​ġnus Ġentili. Min qatt kien jaħseb li nies minn sfondi bħal dawn kienu se jwieġbu għall-​verità? Imma hekk għamlu.​—Atti 1:8; 8:​29-​38; 10:​19, 20, 44-​48; 13:​2-4, 46-​48.

³ Evidenza minn Żmienna: Il-​ktieb t’Apokalissi jenfasizza l-​involviment taʼ l-​ispirtu qaddis fix-​xogħol taʼ l-​ippridkar tal-​lum billi jgħid: “L-​Ispirtu u l-​Għarusa jgħidu: ‘Ejja!’ . . . Ħa jieħu b’xejn min irid l-​ilma tal-​Ħajja.” (Apk. 22:17) L-​ispirtu kien u għadu jimmotiva lill-​klassi taʼ l-​għarusa taʼ Kristu u sħabhom in-​“nagħaġ oħra” biex jippridkaw l-​aħbar tajba lill-​popli kollha. (Ġw. 10:16) Għandna nkunu qalbenin fl-​ippridkar tagħna, billi qatt ma noqogħdu lura milli navviċinaw nies taʼ kull xorta, u dejjem inkunu fiduċjużi li l-​ispirtu t’Alla se jgħinna. In-​1998 Yearbook jipprovdi provi konvinċenti li l-​ispirtu t’Alla jkompli jkun mal-​qaddejja tiegħu. Ħares lejn ir-​riżultat! Matul l-​aħħar sentejn taʼ servizz, medja taʼ ’l fuq minn 1,000 persuna ġew mgħammdin kull jum.

⁴ Ibqaʼ ċert li l-​ispirtu t’Alla se jkompli jkun magħna waqt li aħna nippridkaw il-​messaġġ tas-​Saltna sa l-​estent li jrid Jehovah. Dan l-​għarfien għandu jinkuraġġina u jimmotivana biex inkomplu nitħabtu b’mod vigoruż fix-​xogħol wisq importanti tas-​Saltna.​—1 Tim. 4:10.