X’inhuma l-Pjanijiet Tiegħek għas-Sajf?
1 M’huwiex minnu li aħna x’aktarx li iktar nilħqu l-miri siewja tagħna meta nippjanaw kif inhu l-aħjar li nużaw il-ħin disponibbli għalina? Is-sajf jipprovdilna varjetà t’opportunitajiet biex navanzaw l-interessi teokratiċi. (Prov. 21:5) X’inhuma xi ftit minn dawn?
2 Il-Konvenzjoni “Il-Mod taʼ Ħajja t’Alla” hija avveniment wieħed li kull wieħed minna għandu jinkludi fil-pjanijiet tiegħu. Irranġa li jkollok ftit ħin liberu mix-xogħol jew l-iskola sabiex tkun preżenti għal kull jum tal-konvenzjoni.
3 Għala ma tippjanax li żżid l-attività tiegħek fis-servizz taʼ l-għalqa matul is-sajf? Ħinijiet itwal tal-ġurnata u temp iktar sħun jistgħu jippermettulek tqattaʼ iktar ħin fix-xogħol taʼ l-ippridkar. Il-vaganzi taʼ l-iskola jagħtu l-opportunità lit-tfal biex jagħmlu x-xogħol taʼ pijunier awżiljarju matul wieħed jew iktar mix-xhur sajfin. Oħrajn ukoll jistgħu jippjanaw bil-quddiem biex jagħmlu x-xogħol taʼ pijunier awżiljarju f’Awissu, meta se jkun hemm ħames Sibtijiet u Ħdud. Awissu li ġej, hekk kif nikkonkludu s-sena taʼ servizz, se jsir sforz għalenija biex kulħadd jieħu sehem fil-ministeru bl-iktar mod sħiħ possibbli.
4 Qed tippjana int biex tgħin lil xi kongregazzjoni fil-qrib li għandha bżonn l-għajnuna biex tkopri t-territorju tagħha? L-indokratur tas-circuit jistaʼ jinforma lill-anzjani dwar il-bżonnijiet fl-inħawi tiegħek. Għala ma tiddiskutix dan miegħu meta jżurek f’Mejju jew f’Ġunju? Jekk se tieħu vaganza ’l bogħod mid-dar, ippjana li tattendi għal-laqgħat u tieħu sehem fis-servizz taʼ l-għalqa mal-kongregazzjoni f’dik il-lokalità. Jekk iżżur xi qraba li m’humiex Xhieda taʼ Jehovah, ipprepara minn qabel xi modi li bihom tkun tistaʼ taqsam magħhom il-verità.
5 X’inhuma l-pjanijiet tiegħek għas-sajf? Bla dubju int trid tiffriska ruħek fiżikament. Imma tinjorax l-iktar opportunitajiet importanti li jeżistu biex tagħti enerġija lilek innifsek spiritwalment billi tkompli tpoġġi s-Saltna l-ewwel f’ħajtek.—Mt. 6:33; Efes. 5:15, 16.