Indokraturi li Huma minn taʼ Quddiem—Is-​Segretarju

¹ Is-​segretarju tal-​kongregazzjoni għandu rwol vitali f’li jiżgura li “jsir kollox kif imur u bl-​ordni.” (1 Kor. 14:40) Bħala membru tal-​Kumitat tas-​Servizz tal-​Kongregazzjoni, hu jieħu ħsieb l-​informazzjoni li tirċievi l-​kongregazzjoni u d-​dokumenti importanti tagħha. Għalkemm id-​dmirijiet tiegħu jistgħu ma jkunux jidhru għal kulħadd daqskemm jidhru dawk t’anzjani oħrajn, is-​servizzi tiegħu huma bżonnjużi u apprezzati ferm.

² Meta s-​Soċjetà jew xi ħaddieħor jibgħat xi korrispondenza, is-​segretarju jieħu ħsiebha u jara li tiġi mwieġba lura meta jkun meħtieġ. Hu jiżgura li l-​ittri li jaslu jkunu ċċirkolati fost l-​anzjani u mbagħad iżommhom iffajljati għal referenza. Hu jiċċekkja l-​formoli taʼ l-​ordni tar-​rivisti u tal-​letteratura u jibgħathom lis-​Soċjetà. Hu jindokra direttament lil dawk li jieħdu ħsieb il-​kontijiet kif ukoll il-​kwistjonijiet kollha li għandhom x’jaqsmu mal-​konvenzjoni.

³ Ladarba s-​segretarju jrid jibgħat lis-​Soċjetà r-​rapport taʼ kull xahar tas-​servizz taʼ l-​għalqa tal-​kongregazzjoni sas-​sitt jum tax-​xahar, huwa imperattiv li lkoll kemm aħna nirrapportaw mill-​ewwel l-​attività tagħna taʼ l-​għalqa fl-​aħħar taʼ kull xahar. Imbagħad hu jelenka r-​rapporti tas-​servizz fuq il-​Congregation’s Publisher Record cards. Kwalunkwe pubblikatur jistaʼ jistaqsih biex jara x’ikun hemm imniżżel dwar l-​attività persunali tiegħu.

⁴ Meta xi pubblikatur jiġi fil-​kongregazzjoni jew jitlaq minnha, is-​segretarju jitlob jew jibgħat lill-​anzjani tal-​kongregazzjoni l-​oħra ittra taʼ introduzzjoni flimkien mal-​Congregation’s Publisher Record cards taʼ dak l-​individwu.​—Our Ministry, pġi. 104-5.

⁵ Is-​segretarju jirrevedi l-​attività tal-​pijunieri, billi jżomm lill-​anzjani, u speċjalment lill-​indokratur tas-​servizz, informati dwar kwalunkwe problemi li forsi jkunu qed jesperjenzaw il-​pijunieri. Hu jiġbed l-​attenzjoni taʼ dawk li jikkonduċu l-​Istudju tal-​Ktieb tal-​Kongregazzjoni lejn pubblikaturi li jkunu irregolari fis-​servizz taʼ l-​għalqa. Kemm is-​segretarju u kemm l-​indokratur tas-​servizz għandhom ikunu minn taʼ quddiem f’li jikkoordinaw l-​isforzi biex ikun hemm min jieħu ħsieb taʼ uħud inattivi.​—Our Kingdom Ministry, Novembru 1987, pġ. 1.

⁶ Billi jkollna apprezzament aħjar għad-​dmirijiet tas-​segretarju, jalla nagħmlu li nistgħu biex inkunu t’għajnuna f’li nagħmlulu l-​prokura tiegħu eħfef biex iwettaqha.​—1 Kor. 4:​2, NW.