Avviżi

◼ Offerta taʼ letteratura għal Ottubru: Kopji individwali taʼ It-​Torri taʼ l-​Għassa u Stenbaħ! Novembru: Għarfien Li Jwassal Għall-​Ħajja Taʼ Dejjem. Diċembru: Għarfien Li Jwassal Għall-​Ħajja Taʼ Dejjem flimkien man-​New World Translation. Jannar: Int Tistaʼ Tgħix Għal Dejjem Fil-​Ġenna Fuq L-​Art.

◼ L-​insert f’din il-​ħarġa taʼ Il-​Ministeru tas-​Saltna hija “L-​Iskeda taʼ l-​Iskola tal-​Ministeru Teokratiku għall-​1999.” Din għandha tinżamm bħala referenza għal matul l-​1999.

◼ Jekk il-​ħinijiet tal-​laqgħat għall-​kongregazzjoni tiegħek se jinbidlu mill-​1 taʼ Jannar, jistaʼ jkun hemm bżonn li tiġi ordnata provvista ġdida taʼ volantini biex juru l-​ħinijiet ġodda tal-​laqgħat. Segretarju: Jekk jogħġbok tinsiex timla l-​kard is-​safra S-​5 “Congregation Meeting Information” (Informazzjoni tal-​Laqgħat tal-​Kongregazzjoni) sabiex id-​dokumenti tas-​Soċjetà jkunu aġġornati. Jekk tonqos li tagħmel hekk jistaʼ jiġri li l-​aħwa jingħataw informazzjoni ħażina, u dan ikun taʼ mistħija għas-​Soċjetà u jikkaġuna ammont taʼ frustrazzjoni lil dak li jkun qed jistaqsi.

◼ Il-​kongregazzjonijiet għandhom jibdew jordnaw Neżaminaw l-​Iskrittura Kuljum​—1999 flimkien maʼ l-​ordni tagħhom tal-​letteratura għal Ottubru. Il-​kotba se jkunu disponibbli bl-​Amħarik, bil-​Bengaliż, biċ-​Ċiniż, biċ-​Ċiniż (Issemplifikat), bil-​Franċiż, bil-​Ġappuniż, bil-​Ġermaniż, bil-​Grieg, bil-​Guġarati, bil-​Għarbi, bil-​Ħindi, bl-​Ingliż, bl-​Ispanjol, bil-​Kroat, bil-​Lingalan, bil-​Malti, bil-​Pollakk, bil-​Portugiż, bil-​Punġabi, bir-​Russu, bis-​Serbjan, bit-​Tagalog, bit-​Taljan, bit-​Tamil, bit-​Telugun, bit-​Tiginjan, bit-​Tork, bl-​Urdu, u bil-​Vjetnamiż. Sakemm dawn il-​kotba jkunu disponibbli u jintbagħtu bil-​baħar, se jkunu jidhru bħala “Pending” fuq il-​listi taʼ l-​ippakkjar tal-​kongregazzjoni. Il-​kotba Neżaminaw l-​Iskrittura Kuljum huma oġġetti li jinkisbu b’ordni speċjali.