Skeda għal-Laqgħat tas-Servizz
Ġimgħa li Tibda 14 taʼ Novembru
10 min: Avviżi lokali. Avviżi magħżulin mill-Ministeru tas-Saltna. Uża s-suġġeriment f’paġna 4 (jekk huwa adattat għat-territorju tagħkom) biex turi kif tippreżenta t-Torri taʼ l-Għassa tal-15 taʼ Novembru flimkien maʼ ħarġa kurrenti taʼ Stenbaħ! Tistaʼ tintuża preżentazzjoni realistika oħra. Uri mod kif wieħed iwieġeb lil xi ħadd li jipprova jwaqqaf il-konversazzjoni billi jgħid, “M’iniex interessat fir-reliġjon.”—Ara l-ktejjeb Kif Nibdew u Nkomplu Diskussjonijiet Fuq Il-Bibbja, paġna 9.
15 min: Reviżjoni tal-Konvenzjoni. Permezz taʼ diskussjoni maʼ l-udjenza irrivedi punti mill-konvenzjoni li l-pubblikaturi sabuhom utli fil-ministeru taʼ lgħalqa. Stieden lil kulħadd biex jikkummenta dwar kif qed juża dak li tgħallem fil-konvenzjoni u kif dan għenna nkunu iktar effettivi fil-ministeru tagħna.
20 min: “Xandar il-Glorja taʼ Ġeħova.”a Meta tikkunsidra paragrafu 4, stieden lill-udjenza biex tirrakkonta esperjenzi qosra li juru kif l-imġiba tajba tistaʼ tiftaħ it-triq biex tingħata xiehda.
Għanja 24 u talba taʼ l-għeluq.
Ġimgħa li Tibda 21 taʼ Novembru
10 min: Avviżi lokali.
20 min: Kif Tagħmel lil Ġeħova l-Alla Tiegħek. Taħdita minn anzjan ibbażata fuq It-Torri taʼ l-Għassa taʼ l-1 t’April, 2005, paġni 25-8. Uri b’mod prattiku kif jiġu applikati l-lezzjonijiet li nistgħu nieħdu mill-eżempji t’Abraham, David, u Elija.
15 min: “Uri Interess Persunali—Billi Tosserva bir-Reqqa.”b Inkludi turija taʼ pubblikatur li josserva xi ħaġa li turih x’jinteressa lill-inkwilin u mbagħad jadatta l-kummenti tiegħu skond dan.
Għanja 67 u talba taʼ l-għeluq.
Ġimgħa li Tibda 28 taʼ Novembru
12 min: Avviżi lokali. Aqra rrapport tal-kontijiet u l-ittra taʼ ringrazzjament għad-donazzjonijiet. Fakkar lill-pubblikaturi biex jitfgħu r-rapport tas-servizz taʼ l-għalqa għal Novembru. Uża s-suġġeriment f’paġna 4 (jekk huwa adattat għat-territorju tagħkom) biex turi kif tippreżenta t-Torri taʼ l-Għassa taʼ l-1 taʼ Diċembru flimkien maʼ ħarġa kurrenti taʼ Stenbaħ! Tistaʼ tuża preżentazzjoni realistika oħra. Għandu jissemma wkoll l-arranġament tad-donazzjonijiet. Agħmel avviż dwar l-arranġamenti speċjali għas-servizz taʼ l-għalqa fil-jum taʼ festa pubblika nhar il-Ħamis, 8 taʼ Diċembru.
15 min: “Kif Nistgħu Ngħinu?” Taħdita. Agħti ftit eżempji taʼ l-isforzi li għamlu qaddejja taʼ Ġeħova biex jipprovdu għajnuna lil sħabhom fit-twemmin li huma tassew fil-bżonn. (Ara l-ħarġiet taʼ Stenbaħ! tat-8 t’Awissu, 2003, pġi. 18-23; 8 taʼ Diċembru, 2002, pġi. 19-24; u l-Awake! tat-22 t’Ottubru, 2001, pġi. 23-7. Jistgħu jintużaw ukoll referenzi oħra.) Imbagħad iddiskuti l-punti prinċipali mill-artiklu f’paġna 3 tal-Ministeru tas-Saltna. Enfasizza li kulmin jixtieq jagħti donazzjoni għall-għajnuna umanitarja jew f’xi diżastru, huwa preferibbli li jagħmel dan billi jikkontribwixxi għax-xogħol madwar id-dinja.
18 min: Nippreżentaw l-Aħbar Tajba f’Diċembru. Taħdita u diskussjoni maʼ l-udjenza. Fl-ewwel ħames minuti agħmel taħdita biex tirrivedi fil-qosor il-punti li ġejjin minn “Kif Nużaw l-Eżempji taʼ Preżentazzjonijiet,” li jinsab f’paġna 8 tal-Ministeru tas-Saltna taʼ Jannar 2005: (1) Spiss inkunu iktar effettivi jekk ngħidu l-preżentazzjonijiet fi kliemna stess. (2) Għandna nużaw l-għaqal u nadattaw il-preżentazzjonijiet tagħna skond dak li hu aċċettabbli lokalment. (3) Hemm bżonn li nikkunsidraw l-ambjent u l-opinjoni tan-nies fit-territorju tagħna. (4) Għandna naqraw bir-reqqa l-kapitlu li bi ħsiebna nużaw u nfittxu punti li jistgħu jqanqlu l-interess. (5) M’aħniex limitati biex nużaw biss il-metodi li jidhru fl-eżempji taʼ preżentazzjonijiet. Imbagħad iddiskuti kif jistgħu jiġu applikati dawn il-punti meta nippreżentaw l-offerta taʼ letteratura għal Diċembru. Tistaʼ tuża l-eżempji taʼ preżentazzjonijiet fl-insert tal-Ministeru tas-Saltna taʼ Jannar 2005 jew preżentazzjonijiet oħra li huma effettivi lokalment. Ippreżenta turija jew tnejn.
Għanja 123 u talba taʼ l-għeluq.
Ġimgħa li Tibda 5 taʼ Diċembru
10 min: Avviżi lokali. Ħabbar l-arranġamenti speċjali għas-servizz taʼ l-għalqa nhar it-Tlieta, 13 taʼ Diċembru, li hija btala pubblika.
15 min: Kontribuzzjonijiet li Jogħġbu lil Alla. Taħdita minn anzjan ibbażata fuq It-Torri taʼ l-Għassa taʼ l-1 taʼ Novembru, 2005, paġni 26-30.
20 min: “Dak li Jwettaq il-Ministeru Tagħna.”c Meta tikkunsidra paragrafu 5, inkludi kummenti mit-Torri taʼ l-Għassa tal-15 taʼ Frar, 2004, paġna 32.
Għanja 26 u talba taʼ l-għeluq.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
c Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.