Skeda għal-Laqgħat tas-Servizz
Ġimgħa li Tibda 12 taʼ Marzu
10 min: Avviżi lokali. Permezz tas-suġġeriment f’paġna 8 jew preżentazzjoni oħra adattata għat-territorju tiegħek, ħejji turija dwar kif jiġi offrut It-Torri taʼ l-Għassa tal-15 taʼ Marzu. Agħmel avviż dwar l-arranġamenti speċjali tas-servizz taʼ l-għalqa għat-Tnejn, 19 taʼ Marzu li se tkun festa pubblika.
15 min: Meta Xi Ħadd li Tħobb Jitlaq lil Ġeħova. Taħdita minn anzjan ibbażata fuq It-Torri taʼ l-Għassa taʼ l-1 taʼ Settembru, 2006, paġni 17-21.
20 min: “Ibqgħu Agħmlu Dan b’Tifkira Tiegħi.”a Meta tkun qed tikkunsidra paragrafu 3, inkludi kummenti mill-Ministeru tas-Saltna taʼ Marzu 2006, paġna 1, paragrafu 3, dwar kif jistaʼ jintuża l-ktieb Il-Bibbja X’Tgħallem? biex nispjegaw l-osservanza tat-Tifkira lil uħud interessati li nistiednu.
Għanja 168 u talba taʼ l-għeluq.
Ġimgħa li Tibda 19 taʼ Marzu
10 min: Avviżi lokali. Avviżi magħżulin mill-Ministeru tas-Saltna. Irrivedi l-punti prinċipali mill-kaxxa “Tfakkiriet għat-Tifkira” f’paġna 7.
20 min: Modi Kif Tkabbar il-Ministeru Tiegħek. Taħdita u diskussjoni maʼ l-udjenza bbażati fuq kapitlu 10 tal-ktieb Organizzati biex Nagħmlu r-Rieda taʼ Ġeħova.
15 min: “Int Kif Twieġeb?”b Ippreżenta turija qasira dwar kif dan l-artiklu speċjali jistaʼ jintuża f’okkażjoni taʼ studju tal-familja.
Għanja 216 u talba taʼ l-għeluq.
Ġimgħa li Tibda 26 taʼ Marzu
10 min: Avviżi lokali. Fakkar lill-pubblikaturi biex jagħtu r-rapport tas-servizz taʼ l-għalqa tagħhom għal Marzu. Aqra r-rapport tal-kontijiet u l-ittra taʼ ringrazzjament għad-donazzjonijiet. Permezz tas-suġġeriment f’paġna 8 jew preżentazzjoni oħra adattata għat-territorju tiegħek, ħejji turija dwar kif jiġi offrut It-Torri taʼ l-Għassa taʼ l-1 t’April flimkien maʼ l-invit għat-Tifkira. Is-setting għat-turija għandu jkun pubblikatur li qed jagħti xiehda f’post pubbliku. Agħmel avviż dwar l-arranġamenti speċjali tas-servizz taʼ l-għalqa għas-Sibt, 31 taʼ Marzu li se tkun festa pubblika.
15 min: Bżonnijiet lokali.
20 min: X’Għandi Nagħmel b’Ħajti? Taħdita bbażata fuq l-Awake! taʼ Lulju 2006, paġni 23-5. Inkludi intervista maʼ persuna jew tnejn li daħlu fis-servizz full-time wara li spiċċaw l-iskola sekondarja. Għala għażlu s-servizz full-time? Liema barkiet gawdew?
Għanja 148 u talba taʼ l-għeluq.
Ġimgħa li Tibda 2 t’April
10 min: Avviżi lokali. Irrivedi l-invit li hemm fil-qoxra taʼ wara tat-Torri taʼ l-Għassa, taʼ l-1 t’April, 2007, u inkuraġġixxi lill-pubblikaturi biex jistiednu lill-persuni interessati għat-taħdita pubblika speċjali li se tingħata fil-15 t’April. Agħmel avviż dwar l-arranġamenti speċjali tas-servizz taʼ l-għalqa għall-Ġimgħa, 6 t’April li se tkun festa pubblika.
15 min: Ibqgħu Għinu lil Dawk li Attendew it-Tifkira. Taħdita minn anzjan. Ħabbar l-attendenza għat-Tifkira fil-kongregazzjoni lokali, u agħti kalkolu tan-numru taʼ wħud interessati li kienu preżenti. Irrakkonta xi esperjenzi sbieħ rigward dawk li aċċettaw l-invit speċjali għat-Tifkira jew li wara l-programm marru fuq l-attendants biex jistaqsu għal studju tal-Bibbja. Offri xi suġġerimenti dwar kif nagħtu iktar għajnuna spiritwali lil dawk li attendew. (Ara km 3/06 pġ. 1, par. 5; km 2/05 pġ. 4, par. 9; km 2/04 pġ. 5, par. 16.) Inkuraġġixxi lill-pubblikaturi sabiex jagħmlu dan malajr kemm jistaʼ jkun.
20 min: ‘Agħmel Ħbieb Permezz tar-Rikkezzi Bla Tjieba.’ Taħdita entużjastika u li timmotiva mogħtija mill-indokratur li jippresiedi bbażata fuq It-Torri taʼ l-Għassa taʼ l1 taʼ Diċembru, 1994, paġni 28-32. Enfasizza xi wħud mill-għotjiet spiritwali li Ġeħova ta lill-kongregazzjonijiet f’Malta f’dawn l-aħħar ftit snin permezz taʼ l-organizzazzjoni tiegħu.
Għanja 179 u talba taʼ l-għeluq.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.