Avviżi

◼ Offerta taʼ letteratura għal Ottubru: Offri r-​rivisti taʼ It-​Torri taʼ l-​Għassa u l-​Awake! Meta jintwera interess, offri u ddiskuti l-​fuljett Tixtieq Tkun Taf Iżjed dwar il-​Bibbja? bil-​mira li tibda studju tal-​Bibbja. Novembru: Se jiġi offrut il-​ktieb Tgħallem mill-​Għalliem il-​Kbir. Meta l-​inkwilini jindikaw li m’għandhomx tfal, offri l-​browxer Ibqaʼ Għassa! Diċembru: L-​Aqwa Bniedem li Qatt Għex. Inkella tistaʼ toffri l-​ktieb Ersaq Qrib Lejn Jehovah jew Is-​Sigriet taʼ l-​Hena fil-​Familja. Jannar: Kwalunkwe pubblikazzjoni antika li l-​kongregazzjoni għandha maħżuna. L-​indokratur tas-​servizz taʼ kull kongregazzjoni għandu jiċċekkja mal-​koordinatur tal-​letteratura tas-​Sala tas-​Saltna biex jara jekk hemmx iżżejjed minn xi kotba antiki. Il-​kongregazzjonijiet li m’għandhomx provvista taʼ dawn il-​kotba jistgħu joffru l-​ktieb Għarfien (jekk disponibbli) jew il-​browxer Ibqaʼ Għassa!

◼ Ladarba Diċembru fih ħames Sibtijiet u Ħdud u tliet festi pubbliċi (8, 13 u 25 taʼ Diċembru), dan ikun xahar eċċellenti biex wieħed jaqdi bħala pijunier awżiljarju.

◼ Il-​programm tal-​vidjo Transfusion-Alternative Health Care​—Meeting Patient Needs and Rights (Kura tas-​Saħħa Alternattiva għat-​Trasfużjoni​—Jiġu Rispettati l-​Ħtiġijiet u d-​Drittijiet tal-​Pazjent) se jiġi kunsidrat f’Laqgħa tas-​Servizz f’Jannar. Jekk ikun hemm bżonn taʼ kopji għandhom jiġu ordnati fil-​kongregazzjoni kemm jistaʼ jkun malajr.

◼ Jekk jogħġobkom innotaw li l-​ħu li jippreżenta l-​aħħar parti tal-​Laqgħa tas-​Servizz għandu jintroduċi l-​għanja taʼ l-​għeluq. Imbagħad, hu jew ħu kwalifikat ieħor inkarigat minn qabel se joffri t-​talba taʼ l-​għeluq.