Skeda għal-Laqgħat tas-Servizz
Ġimgħa li Tibda 9 taʼ Ġunju
10 min: Avviżi lokali. Permezz tas-suġġerimenti f’paġna 4 jew preżentazzjonijiet oħrajn adattati għat-territorju tiegħek, ħejji turija dwar kif jiġu offruti t-Torri taʼ l-Għassa t’April-Ġunju u Stenbaħ! t’April-Ġunju.
20 min: Kif Tipprepara Biex Tikkonduċi Studju tal-Bibbja. Taħdita bbażata fuq il-Ministeru tas-Saltna t’Awissu 2004, paġna 1. Fl-aħħar tad-diskussjoni, ħejji turija taʼ pubblikatur li bl-għaġla jipprova jlesti biex jikkonduċi studju tal-Bibbja. Imbagħad ħejji turija oħra taʼ pubblikatur li jipprepara billi jikkunsidra kif jistaʼ japplika ftit mis-suġġerimenti mniżżlin fil-Ministeru tas-Saltna.
15 min: “Ippriedka bla Waqfien.”a Skond ma jippermetti l-ħin, stieden lil dawk fl-udjenza biex jikkummentaw dwar l-iskritturi ċitati.
Ġimgħa li Tibda 16 taʼ Ġunju
10 min: Avviżi lokali. Avviżi magħżulin mill-Ministeru tas-Saltna. Fakkar lill-udjenza biex iġibu magħhom It-Torri taʼ l-Għassa taʼ Lulju-Settembru u Stenbaħ! taʼ Lulju-Settembru għal-Laqgħa tas-Servizz il-ġimgħa d-dieħla u biex ikunu preparati ħalli jiddiskutu preżentazzjonijiet adattati li qed jippjanaw biex jużaw.
15 min: Enfasizza l-Valur Prattiku taʼ l-Aħbar Tajba. Taħdita u diskussjoni maʼ l-udjenza bbażati fuq il-ktieb Ministry School, paġna 159. Stieden lil dawk fl-udjenza biex jikkummentaw dwar kwistjonijiet li bħalissa qed jikkonċernaw lin-nies fit-territorju lokali. Staqsi għal suġġerimenti dwar kif nistgħu nużaw kwistjonijiet bħal dawn fil-preżentazzjonijiet tagħna.
20 min: “Qiegħda l-Familja Tiegħek Tipprepara Biex Issalva?”b Skond ma jippermetti l-ħin, stieden lil dawk fl-udjenza biex jikkummentaw dwar l-iskritturi ċitati.
Ġimgħa li Tibda 23 taʼ Ġunju
10 min: Avviżi lokali. Aqra r-rapport tal-kontijiet u l-ittra taʼ ringrazzjament għad-donazzjonijiet. Semmi l-offerta taʼ letteratura għal Lulju u ħejji preżentazzjoni.
20 min: Ħajja Msebbħa bix-Xogħol taʼ Pijunier Regulari. Taħdita bbażata fuq it-Torri taʼ l-Għassa tal-15 taʼ Jannar, 2008, paġni 17-19. Jekk hemm żewġ pijunieri regulari disponibbli, wieħed li għadu jibda u ieħor li ilu jaqdi għal ħafna snin, jistgħu jiġu intervistati. Għidilhom jirrakkontaw kif sebbħu ħajjithom permezz taʼ dan it-tip taʼ servizz prezzjuż.
15 min: Ipprepara Biex Toffri r-Rivisti Kurrenti. Diskussjoni maʼ l-udjenza. Wara li ssemmi fil-qosor x’fihom It-Torri taʼ l-Għassa taʼ Lulju-Settembru u Stenbaħ! taʼ Lulju-Settembru, staqsi lil dawk fl-udjenza dwar liema artikli għandhom mnejn jolqtu lin-nies fit-territorju u għala. Stidinhom isemmu punti speċifiċi fl-artikli li qed jippjanaw li jużaw fil-ministeru. Liema mistoqsijiet jistgħu jagħmlu biex jibdew konversazzjoni? Liema skrittura fl-artiklu tistaʼ tinqara wara li ssir il-mistoqsija? Billi tuża l-eżempji taʼ preżentazzjonijiet fil-Ministeru tas-Saltna jew preżentazzjoni li ssuġġeriet l-udjenza, ħejji turija taʼ kif nistgħu noffru ż-żewġ rivisti.
Ġimgħa li Tibda 30 taʼ Ġunju
10 min: Avviżi lokali. Fakkar lil kulħadd biex jagħti r-rapport tas-servizz taʼ l-għalqa għal Ġunju.
20 min: Kif Intejbu l-Abbiltajiet Tagħna f’Konversazzjoni. Taħdita u diskussjoni maʼ l-udjenza bbażati fuq il-ktieb Ministry School, minn paġna 62, paragrafu 4, sa l-aħħar taʼ paġna 64. Adattata l-informazzjoni għat-territorju lokali. Fil-qosor intervista pubblikatur li hu magħruf għall-abbiltà tiegħu li jdaħħal lin-nies f’konversazzjoni meta jkun fil-ministeru minn dar għal dar jew meta jkun qed jagħti xiehda informali.
15 min: X’Tiftakar? Diskussjoni maʼ l-udjenza bbażata fuq It-Torri taʼ l-Għassa tal-15 t’April, 2008, paġna 29.
Ġimgħa li Tibda 7 taʼ Lulju
10 min: Avviżi lokali.
15 min: Bżonnijiet lokali.
20 min: “Meta Inkwilin Jitkellem Lingwa Oħra.”c Trid tingħata mill-indokratur tas-servizz. Meta tkun qed tikkunsidra paragrafu 2, avża lill-kongregazzjoni dwar liema gruppi jew kongregazzjonijiet taʼ lingwa barranija qed jippridkaw fl-istess inħawi tal-kongregazzjoni. Enfasizza kwalunkwe arranġamenti speċifiċi li hemm biex jgħinu lill-gruppi jew lill-kongregazzjonijiet taʼ lingwa barranija involuti biex jikkooperaw fl-attività taʼ l-ippridkar.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
c Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.