Avviżi

◼ Offerta taʼ letteratura għall-​1-19 t’Ottubru: Ir-​rivisti Torri taʼ l-​Għassa u Stenbaħ! Fejn jintwera l-​interess, ippreżenta u ddiskuti l-​fuljett Tixtieq Tkun Taf Iżjed dwar il-​Bibbja? bil-​mira li tibda studju tal-​Bibbja. 20 t’Ottubru–16 taʼ Novembru: Kampanja speċjali bit-​tqassim tal-​fuljett il-​ġdid Tixtieq Tkun Taf il-​Verità? 17-30 taʼ Novembru: Il-​Bibbja X’Tgħallem Verament? Agħmel sforz diliġenti biex tibda studji tal-​Bibbja. Diċembru: Offri l-​ktieb L-​Aqwa Bniedem li Qatt Għex. Jekk xi individwi jgħidu li għandhom it-​tfal, offri l-​ktieb Tgħallem mill-​Għalliem il-​Kbir. Jannar 2009: Offri l-​ktieb Il-​Bibbja X’Tgħallem Verament? Jekk l-​inkwilini jkollhom il-​ktieb diġà, imbagħad offri pubblikazzjoni iktar antika li l-​kongregazzjoni jistaʼ jkollha maħżuna. L-​indokratur tas-​servizz taʼ kull kongregazzjoni għandu jiċċekkja mal-​koordinatur tal-​letteratura tas-​Sala tas-​Saltna biex jara jekk hemmx iżżejjed minn xi kotba antiki.

◼ Minħabba li Novembru fih ħames Sibtijiet u Ħdud, ikun xahar eċċellenti biex wieħed jaqdi bħala pijunier awżiljarju.

◼ Nota lill-​indokratur li jippresiedi u lill-​indokratur taʼ l-​Iskola tal-​Ministeru Teokratiku: L-​iskeda l-​ġdida tal-​laqgħat tal-​kongregazzjoni tibda mill-​ġimgħa tad-​29 taʼ Diċembru, 2008, u l-​Ministeru tas-​Saltna taʼ Diċembru 2008 se turi li din l-​iskeda ġiet irranġata. Meta tkun qed tikkonduċi r-​Reviżjoni taʼ l-​Iskola tal-​Ministeru Teokratiku għal dik il-​ġimgħa, kun ċert li żżomm maʼ l-​istruzzjonijiet fir-​Reviżjoni taʼ l-​Iskola tal-​Ministeru Teokratiku fl-​Iskeda taʼ l-​Iskola tal-​Ministeru Teokratiku għall-​2009. Dakinhar mhux se jkun hemm konsiderazzjoni tal-​kwalità tad-​diskors.

◼ Il-​programm tal-​vidjo No Blood—Medicine Meets the Challenge (Xejn Demm—Il-​Mediċina Tilqaʼ l-​Isfida) se jiġi kunsidrat f’Laqgħa tas-​Servizz f’Jannar. Jekk ikun hemm bżonn taʼ kopji għandhom jiġu ordnati fil-​kongregazzjoni kemm jistaʼ jkun malajr.