Intejbu l-abbiltajiet tagħna fil-ministeru—Inħarrġu l-istudenti tal-Bibbja biex jiżviluppaw drawwiet tajbin għall-​istudju

Għala hu importanti: Sabiex l-​istudenti tal-​Bibbja jagħmlu progress u jilħqu l-​maturità spiritwali, m’għandhomx jikkuntentaw ruħhom biss bit-​tagħlim bażiku tal-​Kelma t’Alla. Imma għandhom jibqgħu jagħtu ikel spiritwali lil moħħhom u qalbhom. (Ebr. 5:12–6:1) Biex wieħed jistudja, jeħtieġ jagħmel sforz. Dan jinkludi li nagħmlu rabta bejn dak li diġà nafu u informazzjoni ġdida u li nagħrfu l-​valur prattiku taʼ dak li qed nitgħallmu. (Prov. 2:1-​6) Meta l-​istudenti jitgħallmu jagħmlu riċerka waħedhom, se jkunu jistgħu jwieġbu mistoqsijiet tal-​Bibbja billi jużaw il-​pubblikazzjonijiet Kristjani tagħna. L-​isforzi kbar li jagħmlu biex japplikaw dak li jitgħallmu se jgħinuhom biex jissaportu provi li jkollhom jiffaċċjaw bħala Kristjani.—Lq. 6:47, 48.