Il-​Kelma t’Alla għandha qawwa fil-​ħajja taʼ kuljum tiegħek?

Il-​qari tal-​Bibbja taʼ kuljum jistaʼ jgħinna ‘nagħmlu l-​għeruq’ u ‘nissodaw fil-​fidi.’ (Kol. 2:6, 7) Madankollu, biex il-​Kelma t’Alla teffettwalna ħajjitna, għandna nimmeditaw dwar il-​prinċipji tagħha u napplikawhom. (Ebr. 4:12; Ġak. 1:22-​25) Ġożwè 1:8 u n-​nota taʼ taħt jitkellmu dwar tliet passi effettivi li għandna nieħdu meta naqraw: (1) Aqra l-​Kelma t’Alla “lejl u nhar.” (2) Aqra “minn taħt l-​ilsien,” li jagħti x’tifhem li għandek taqra b’pass li jippermettilek timmedita u timmaġina s-​sitwazzjoni u ċ-​ċirkustanzi. (3) B’ħeġġa applika “kulma hemm miktub.” Meta napplikaw dawn is-​suġġerimenti, ‘se nirnexxu fi triqitna’ u ‘naġixxu bl-​għerf’ fil-​ħajja taʼ kuljum.