Hemm bżonn il-​preparazzjoni biex tgħallem bis-​sengħa

Ġesù ġie mistoqsi l-​istess mistoqsija dwar il-​ħajja taʼ dejjem minn tal-​inqas darbtejn, imma kull darba addatta t-​tweġiba tiegħu skont il-​bżonnijiet taʼ dak li għamillu l-​mistoqsija. (Lq. 10:25-​28; 18:18-​20) Għalhekk, għalkemm forsi nafu l-​materjal tal-​istudju tal-​Bibbja sew, xorta għandna nippreparawh minn qabel waqt li nżommu l-​istudent f’moħħna. Liema punti jaf isibha bi tqila biex jifhem jew jaċċetta? Liema mill-​iskritturi ċitati jmissna naqraw miegħu? Kemm għandna nkopru materjal? Forsi jkollna bżonn nippreparaw tixbiha, spjegazzjoni, jew serje taʼ mistoqsijiet biex ngħinu lill-​istudent jifhem sew l-​informazzjoni. Minbarra dan, peress li hu Ġeħova li jagħmel iż-​żerriegħa tal-​verità tikber fil-​qalb, għandna nitolbuh għall-​barka tiegħu fuq il-​preparazzjoni għall-​istudju, fuq l-​istudent, u fuq l-​isforzi tagħna biex ngħinuh spiritwalment.—1 Kor. 3:6; Ġak. 1:5.