Referenzi għall-Fuljett għall-Istudju tal-Laqgħa tal-Ħajja u l-Ministeru Tagħna

14-20 t’Ottubru

TEŻORI MILL-​KELMA T’ALLA | 1 PIETRU 1-​2

Ħaffer għal ġawhar spiritwali

it-​2 565 ¶3

Indokratur

L-​Indokratur Suprem. Milli jidher, l-​1 Pietru 2:25 jikkwota Isaija 53:6 għal dawk li ‘bħal nagħaġ, intilfu.’ Pietru mbagħad jgħid: “Imma issa ġejtu lura għand ir-​ragħaj u l-​indokratur taʼ ruħkom.” Din ir-​referenza hi għal Alla Ġeħova, peress li dawk li kitbilhom Pietru ma kinux intilfu minn maʼ Kristu Ġesù. Imma, pjuttost, permezz tiegħu tmexxew lura lejn Alla Ġeħova, li hu r-​Ragħaj Grandjuż tal-​poplu tiegħu. (Sa 23:1; 80:1; Ġer 23:3; Eże 34:12) Ġeħova hu wkoll indokratur, il-​wieħed li jispezzjona. (Sa 17:3) L-​ispezzjoni tistaʼ tiġi assoċjata maʼ ġudizzju li hu jagħmel kontra xi ħadd. Eżempju taʼ dan kien il-​każ taʼ Ġerusalemm fl-​ewwel seklu, fejn ma kinitx għarfet iż-​żmien li fih ‘ġiet spezzjonata.’ (Lq 19:44) L-​ispezzjoni tistaʼ wkoll tħalli effett pożittiv u ġġib benefiċċji, bħal fil-​każ taʼ dawk li gglorifikaw lil Alla fil-​jum “taʼ l-​ispezzjoni tiegħu.”—1Pt 2:12.