Tistaʼ Tagħti mill-Ħin u l-Enerġija Tiegħek?

Bħalma bassar Isaija, il-​parti tal-​organizzazzjoni taʼ Ġeħova fuq l-​art qed tikber bħal qatt qabel. (Is 54:2) B’hekk, hemm bżonn li jinbnew Swali tas-​Saltna, Swali tal-​Assembleat, u faċilitajiet tal-​fergħa. Wara li jinbena, bini bħal dan ikollu bżonn xi tiswijiet, u xi ftit minnu jkun jeħtieġ xi tibdil. Dan x’opportunitajiet jagħtina biex nagħtu mill-​ħin u l-​enerġija tagħna lil Ġeħova?

• Aħna nistgħu ngħinu meta l-​grupp tagħna tas-​servizz tal-​għalqa jkun imissu jnaddaf is-​Sala tas-​Saltna

• Nistgħu noffru lilna nfusna biex niġu mgħallmin kif nieħdu ħsieb is-​Sala tas-​Saltna tagħna

• Nistgħu nimlew il-​Local Design/Construction Volunteer Application (DC-​50) biex meta jkun hemm bżonn ngħinu fi proġetti u manutenzjoni taʼ Swali tas-​Saltna tal-​fergħa

• Nistgħu nimlew l-​Application for Volunteer Program (A-​19) u noffru li ngħinu għal ġimgħa jew iżjed fil-​Betel lokali jew f’xi fergħa oħra

ARA L-​VIDJOW QED JIĠI PPJANAT PROĠETT TAʼ KOSTRUZZJONI ĠDID—SILTA MILL-​VIDJOW, U MBAGĦAD WIEĠEB IL-​MISTOQSIJIET LI ĠEJJIN:

• Semmi kif issa qed nużaw iktar vidjows milli għamilna qabel l-​2014.

• Biex nipprovdu l-​vidjows li hemm bżonn għall-​qima tagħna, xi proġett qed jiġi ppjanat, u kemm ħa jieħu żmien biex jinbena?

• Il-​volontieri kif jistgħu jgħinu f’dan il-​proġett?

• Jekk nixtiequ ngħinu fil-​bini f’Ramapo, New York, għala għandna l-​ewwel nimlew il-​formola DC-​50 u ngħinu fi proġetti tad-​Dipartiment Lokali tal-​Ippjanar u l-​Kostruzzjoni viċin tagħna?

• X’juri li Ġeħova kien qed jidderieġi dan il-​proġett?

• Kif nistgħu nappoġġjaw dan il-​proġett anki jekk ma nistgħux ngħinu fil-​bini b’mod personali?