Ġiet Disinjata?

Il-​Ġilda tal-​Kelb il-​Baħar

● Mad-​daqqa t’għajn, il-​ġilda tal-​kelb il-​baħar tidher lixxa. Iżda kieku kellek tħossha—naturalment mingħajr ma tkun fil-​periklu—tiskopri li meta tmiss kelb il-​baħar minn denbu u tibqaʼ tielaʼ sa rasu, il-​ġilda tiegħu fil-​fatt tinħass bħal karta tal-​ixkatlar.a

Ikkunsidra: Il-​qxur żgħir imdaħħal fil-​ġilda li fih ix-​xquq, joħloq dan l-​effett u jgħin lill-​kelb il-​baħar b’żewġ modi. L-​ewwel, il-​qxur jofroq l-​ilma u b’hekk jippermetti lill-​kelb il-​baħar jgħum bl-​inqas reżistenza possibbli. It-​tieni, hekk kif il-​kelb il-​baħar ikun qed jgħum, il-​qxur jitgħawweġ u joħloq wiċċ instabbli sabiex il-​parassiti ma jfittxux kenn hemmhekk.

Il-​karatteristiki li għandha l-​ġilda tal-​kelb il-​baħar jiġu applikati f’għadd kbir taʼ affarijiet. Pereżempju, ix-​xjenzati diġà ħalqu malja tal-​għawm li proprju minħabba li għandha l-​istess karatteristiki tal-​ġilda tal-​kelb il-​baħar, il-​veloċità tal-​għawwiem li jilbisha tiżdied b’madwar tlieta fil-​mija. Dawn jemmnu li l-​istess prinċipji jistgħu jiġu applikati fil-​manifattura tal-​karozzi u d-​dgħajjes ħalli dawn ikunu jiġru iktar.

Ir-​riċerkaturi jittamaw ukoll li jimitaw il-​karatteristiki iġjeniċi li għandha l-​ġilda tal-​kelb il-​baħar sabiex jipproduċu żebgħa tad-​dgħajjes kontra l-​mikrobi li tagħmel inqas ħsara lill-​ambjent minn żebgħa oħra li hi velenuża u li tintuża biex ma jitrabbewx koċċli u organiżmi oħrajn maʼ qiegħ id-​dgħajsa. Użi oħrajn jinkludu prodotti u apparat mediku li jnaqqsu r-​riskju taʼ infezzjonijiet li jittieħdu mill-​isptar.

Int x’taħseb? Il-​ġilda tal-​kelb il-​baħar li ma tantx tikkonsma enerġija u li għandha karatteristiki iġjeniċi, ġiet b’kumbinazzjoni? Jew ġiet disinjata?

[Nota taʼ taħt]

[Stampa f’paġna 10]

Il-​qxur imdaħħal fil-​ġilda tal-​kelb il-​baħar—kif jidher taħt il-​lenti

[Sorsi tal-istampa f’paġna 10]

Qxur imdaħħal fil-​ġilda: © Eye of Science/Photo Researchers, Inc.; kelb il-​baħar: © Image Source/age fotostock