Ġie Disinjat?

Il-​Ġewnaħ tal-​Mazzarell

● Ċerti mazzarelli (dragonflies) jistgħu jigglajdjaw għal 30 sekonda mingħajr ma jitbaxxew ħafna ’l isfel fl-​ajru. X’inhu s-​sigriet tagħhom? Ġewnaħ ajrudinamiku li jisboq kwalunkwe ġewnaħ manifatturat fl-​industrija tal-​inġenji tal-​ajru!

Ikkunsidra: Il-​ġewnaħ tal-​mazzarell, li tant hu rqiq li hu trasparenti, huwa mmewweġ u għandu l-​piegi biex ma jitgħawwiġx. Ix-​xjenzati sabu li dawn il-​piegi jgħinu wkoll lill-​mazzarell biex jibqaʼ ’l fuq fl-​arja waqt li jigglajdja. Ir-​rivista New Scientist tgħid li dan iseħħ għax l-​arja tiċċirkola fix-​xquq taʼ bejn dawn il-​piegi, u b’hekk tiċċaqlaq iktar bil-​mod. Dan kollu jgħin l-​arja tiġġenera fil-​ġewnaħ ħalli l-​mazzarell ikun jistaʼ jtir fl-​għoli.

Abel Vargas, inġinier li jistudja l-​atmosfera tal-​arja u tal-​ispazju, studja l-​ġewnaħ tal-​mazzarell. Hu u l-​kollegi tiegħu kkonkludew li “l-​ġwienaħ imfasslin fuq id-​disinji tan-​natura jgħinu ħafna biex jiġu disinjati inġenji żgħar li jtiru.” Armati b’kamera jew makkinarju ieħor, dawn l-​inġenji daqs il-​pala tal-​id għandhom diversi użi prattiċi. Dawn jinkludu li jiksbu informazzjoni minn postijiet fejn ikunu seħħew xi diżastri, u saħansitra jkejlu l-​livelli tat-​tinġis.

Int x’taħseb? Il-​ġewnaħ tal-​mazzarell kollu piegi, li tant hu rqiq li hu trasparenti, ġie b’kumbinazzjoni? Jew ġie disinjat?

[Stampa f’paġna 10]

L-​inġenju tal-​ajru żgħir ħafna f’forma taʼ mazzarell (dragonfly microdrone) jiżen 120 milligramma, hu wiesaʼ sitt ċentimetri, u għandu ġwienaħ irqaq daqs karta strazza li jiċċaqalqu meta jitħaddmu bl-​elettriku

[Sors f’paġna 10]

© Philippe Psaila/Photo Researchers, Inc.