Kapitlu 33

Iwettaq il-​Profezija taʼ Isaija

WARA li Ġesù jsir jaf li l-​Fariżej u l-​partitarji taʼ Erodi qed jippjanaw biex joqtluh, hu u d-​dixxipli tiegħu jirtiraw lejn il-​Baħar tal-​Galilija. Hawnhekk folol kbar mill-​Palestina kollha, u saħansitra minn barra l-​fruntieri tagħha, jiġu għandu. Hu jfejjaq lil ħafna, bir-​riżultat li dawk kollha b’mardiet koroh jagħfsu ’l quddiem biex imissuh.

Peress li l-​folol huma daqshekk kbar, Ġesù jgħid lid-​dixxipli tiegħu biex iżommu dgħajsa l-​ħin kollu għad-​dispożizzjoni tiegħu. Billi jiġbed ’il barra mix-​xtajta, huwa jżomm lill-​folol milli jagħfsu għal fuqu. Hu jistaʼ jgħallimhom minn fuq id-​dgħajsa jew jivvjaġġa lejn post ieħor matul ix-​xtajta biex igħin lin-​nies hemm.

Id-dixxiplu Mattew jinnota li l-​attività taʼ Ġesù twettaq “dak li ġie mitkellem permezz taʼ Isaija l-​profeta.” Imbagħad Mattew jikkwota l-​profezija li wettaq Ġesù:

“Ħares! Il-​qaddej tiegħi li lilu jien għażilt, il-​maħbub tiegħi, li lilu ruħi approvat! Jien se nqiegħed l-​ispirtu tiegħi fuqu, u x’inhi l-​ġustizzja se jagħmlu ċar lill-​ġnus. Mhux se jitħaqqaq, lanqas igħajjat b’leħen għoli, u lanqas xi ħadd ma se jismaʼ leħnu fil-​mogħdijiet wisgħin. L-​ebda qasba mbenġla ma se jgħaffeġ, u l-​ebda musbieħ inemnem ma se jitfi, sakemm jibgħat ’il barra l-​ġustizzja b’suċċess. Tabilħaqq, f’ismu ġnus se jittamaw.”

Ġesù, m’għandniex xi ngħidu, huwa l-​qaddej maħbub li lilu Alla japprova. U Ġesù jagħmel ċar x’inhi l-​ġustizzja vera, li qed tiġi mċajpra bi tradizzjonijiet reliġjużi foloz. Minħabba l-​applikazzjoni inġusta tagħhom tal-​liġi t’Alla, il-​Fariżej lanqas biss lesti li jgħinu lil raġel marid f’jum is-​Sibt! Waqt li juri ċar il-​ġustizzja t’Alla, Ġesù jserraħ lin-​nies mill-​piż tat-​tradizzjonijiet inġusti, u minħabba f’dan, il-​mexxejja reliġjużi jippruvaw joqtluh.

X’ifisser li ‘mhux se jitħaqqaq, lanqas igħajjat b’leħen għoli biex jinstemaʼ fil-​mogħdijiet wisgħin’? Meta jfejjaq lin-​nies, Ġesù ‘jordnalhom strettament biex ma jagħmluhx magħruf.’ Hu ma jridx li jkollu reklamar storbjuż tiegħu nnifsu fit-​toroq jew li jkollu rapporti żballjati mgħoddija b’eċċitament minn fomm għal fomm.

Ukoll, Ġesù jwassal il-​messaġġ taʼ faraġ tiegħu lil nies li b’mod figurattiv huma bħal qasba mbenġla, milwija u mgħaffġa taħt is-​saqajn. Huma bħal ftila tnemnem, li waslet biex tintefa. Ġesù ma jgħaffiġx il-​qasba mbenġla jew jitfi xemgħa tnemnem. Imma bil-​ħlewwa u bl-​imħabba, hu b’sengħa jagħti r-​ruħ lill-​ġwejdin. Tabilħaqq, Ġesù huwa l-​wieħed li fih il-​ġnus jistgħu jittamaw! Mattew 12:​15-21; Mark 3:​7-12; Isaija 42:​1-4.

▪ Ġesù kif jagħmilha ċara l-​ġustizzja, bla ma jħaqqaqha jew igħolli leħnu fil-​mogħdijiet wisgħin?

▪ Min huma bħal qasba mbenġla jew xemgħa tnemnem, u Ġesù kif jittrattahom?