Min Tassew Qed Jikkontrolla d-​Dinja?

X’TGĦID IL-​BIBBJA?

“Id-​dinja kollha qiegħda taħt idejn il-​Ħażin.”—1 Ġwanni 5:19, Il-​Bibbja tal-​Għaqda Biblika Maltija.

“Deher Bin Alla, biex jeqred l-​opri tax-​xitan.”—1 Ġwanni 3:8, Il-​Bibbja Mqaddsa taʼ Karm Żammit.

X’JISTAʼ JFISSER DAN GĦALIK?

Spjegazzjonijiet loġiċi għall-​problemi tad-​dinja.—Rivelazzjoni 12:12.

Ikollok għal xiex temmen li d-​dinja tagħna se tinbidel għall-​aħjar.—1 Ġwanni 2:17.

NISTGĦU VERAMENT NEMMNU DAK LI TGĦID IL-​BIBBJA?

Iva, minn tal-​inqas għal tliet raġunijiet:

• Il-​ħakma taʼ Satana x-​Xitan żgur se tinqered. Ġeħova hu determinat li jtemm il-​kontroll li Satana għandu fuq l-​umanità. Hu jwiegħed li “jġib fix-​xejn . . . ix-​Xitan” u jirranġa l-​ħsara kollha li kkaġuna Satana.—Ebrej 2:14, Traduzzjoni tad-​Dinja l-​Ġdida.

• Alla għażel lil Ġesù Kristu biex jaħkem id-​dinja. Ġesù hu kompletament l-​oppost tal-​ħakkiem kiefer u egoist li għandha d-​dinja issa. Rigward il-​ħakma taʼ Ġesù, Alla jwiegħed: “Se jiddispjaċih għall-​batut u għall-​fqir. . . Mill-​moħqrija u mill-​vjolenza se jifdilhom ruħhom.”—Salm 72:13, 14.

• Alla ma jistax jigdeb. Il-​Bibbja tgħid ċar u tond: “Hu impossibbli li Alla jigdeb.” (Ebrej 6:18) Meta Ġeħova jwiegħed li jagħmel xi ħaġa, ikun daqslikieku diġà saret! (Isaija 55:10, 11) “Il-​ħakkiem taʼ din id-​dinja se jitkeċċa ’l barra.”—Ġwanni 12:31.