Jistgħu l-​Mejtin Verament Jerġgħu Jgħixu?

X’TGĦID IL-​BIBBJA?

“Se jkun hemm irxoxt.”—Atti 24:15, Traduzzjoni tad-​Dinja l-​Ġdida.

X’JISTAʼ JFISSER DAN GĦALIK?

Faraġ meta jmut xi ħadd għażiż għalik.—2 Korintin 1:3, 4.

Ħelsien mill-​biżaʼ tal-​mewt.—Ebrej 2:15.

Tama vera li terġaʼ tingħaqad mal-​għeżież mejtin tiegħek. —Ġwanni 5:28, 29.

NISTGĦU VERAMENT NEMMNU DAK LI TGĦID IL-​BIBBJA?

Iva, minn tal-​inqas għal tliet raġunijiet:

• Alla hu l-​Ħallieq tal-​ħajja. Il-​Bibbja ssejjaħ lil Alla Ġeħova “s-​sors tal-​ħajja.” (Salm 36:9; Atti 17:24, 25) Il-​Wieħed li ta l-​ħajja lill-​ħlejjaq ħajjin kollha ċertament li hu kapaċi jagħti lura l-​ħajja lil dawk li mietu.

• Alla rxoxta lil xi bnedmin fil-​passat. Il-​Bibbja ssemmi tmien każijiet taʼ bnedmin—żgħar, kbar, irġiel u nisa—li ngħataw lura l-​ħajja fuq l-​art. Xi wħud ma tantx kienu ilhom mejtin, imma wieħed minnhom kien ilu fil-​qabar erbat ijiem!—Ġwanni 11:39-​44.

• Alla hu ħerqan biex jerġaʼ jirxoxta lin-​nies. Ġeħova jobgħod il-​mewt; hu jqisha bħala għadu. (1 Korintin 15:26) Hu jixxennaq biex jirbaħ lil dan l-​għadu u jelimina l-​mewt permezz tal-​irxoxt. Hu jixxennaq ukoll biex iġib lura lil dawk li qegħdin fil-​memorja tiegħu u biex jerġaʼ jarahom ħajjin fuq l-​art.—Ġob 14:14, 15.