Traduzzjonijiet Afrikani tal-​Bibbja

L-​iktar traduzzionijiet bikrin tal-​Bibbja sħiħa fil-​lingwa Afrikana saru fl-​Eġittu. Magħrufin bħala l-​verżjonijiet Koptiċi, jintqal li jmorru lura sat-​tielet jew ir-​rabaʼ seklu E.K. Madwar tliet sekli wara, il-​Bibbja ġiet tradotta fl-​Etiopiku.

Il-mijiet taʼ lingwi mhux miktubin li jiġu mitkellma fin-​naħa t’isfel tal-​Etjopja u s-​Saħara kellhom jistennew għall-​wasla tal-​missjunari fis-​seklu 19. Fl-​1857 ġie milħuq plier meta Robert Moffat lesta traduzzjoni tal-​Bibbja biz-​Zwana, lingwa tal-​Afrika t’isfel. Huwa stampaha wkoll f’partijiet fuq magna tal-​istampar bl-​idejn. Din kienet l-​ewwel Bibbja kompluta li ġiet stampata fl-​Afrika u kienet ukoll l-​ewwel traduzzjoni kompluta f’lingwa Afrikana li qatt qabel ma kienet inkitbet. Interessanti, Moffat uża l-​isem divin Yehova fit-​traduzzjoni tiegħu. Fil-​verżjoni tal-​1872 ippubblikata mill-​British and Foreign Bible Society, l-​isem Yehova huwa wżat fi stqarrijiet ewlenin magħmulin minn Ġesù kif imniżżlin f’​Mattew 4:10 u Mark 12:29, 30.

Sal-1990 il-​Bibbja kollha kemm hi kienet ġiet tradotta f’119-il lingwa Afrikana, b’partijiet minnha li jistgħu jinkisbu f’434 oħra.