‘Ibqgħu Żdiedu Fl-​Għarfien Eżatt’

Għarfien eżatt t’Alla jwassal għal ħajja eterna. (Ġwann 17:3) Aħna rridu nkunu qegħdin nagħmlu dak kollu li nistgħu biex niżdiedu fl-​għarfien eżatt dwar Jehovah. (Kol. 1:​9, 10) Billi nibdew mid-​29 t’April, aħna se nistudjaw il-​ktieb Knowledge That Leads to Everlasting Life (Għarfien Li Jwassal Għall-​Ħajja Taʼ Dejjem) fl-​Istudju tal-​Ktieb tal-​Kongregazzjoni. Għalkemm dan il-​ktieb huwa bħalissa disponibbli biss bl-​Ingliż, aħna nemmnu li l-​biċċa l-​kbira taʼ dawk li jikkonduċu l-​Istudju tal-​Ktieb se jirnexxilhom jgħinu lill-​aħwa jifhmu l-​punti prinċipali mill-​istudju bil-​Malti. Mhux biss se jiżdied l-​għarfien tagħna nfusna tal-​Kelma t’Alla imma se nkunu mgħammrin aħjar biex ngħallmuh lill-​oħrajn. Int u l-​familja tiegħek se tiġu mberkin jekk tippreparaw bil-​quddiem, tattendu u tieħdu sehem kull ġimgħa, u tużaw dik l-​informazzjoni fil-​ministeru. Tkunu wkoll qegħdin iżżommu rwieħkom aġġornati mal-​programm għal din il-​laqgħa li ġiet irranġata mill-​Ġemgħa li Tiggverna. Dan se jiftħilkom l-​aptit għal dan il-​ktieb meta joħroġ bil-​Malti.