Tistaʼ Tgħin F’Għawdex?

L-appostlu Pawlu kellu viżjoni li fiha raġel talbu bil-​ħrara: “Aqbeż qabża sal-​Maċedonja u għinna.” (Atti 16:9) Hemm ħafna nħawi madwar id-​dinja fejn għajnuna bħal din għadha meħtieġa. Iva, saħansitra lokalment, għajnuna hija meħtieġa biex Għawdex jiġi maħdum bir-​reqqa. Issa li hemm numru akbar taʼ pijunieri jaħdmu t-​territorju f’Għawdex, ferm qiegħed jiġi mwettaq u iktar letteratura qiegħda tiġi mqassma. Madankollu, hemm ferm iktar x’isir jekk Għawdex għandu jagħti l-​frott tiegħu. Fi qbil mal-​kliem taʼ Ġesù f’Mattew 9:​37, 38, dawk kollha li jistgħu huma kordjalment mistednin biex jingħaqdu ma ħuthom t’Għawdex f’li jaħdmu territorju li rari jinħadem. Ix-​xogħol iebes tad-​diversi aħwa minn Malta li regolarment jivvjaġġaw lejn Għawdex għal dan l-​iskop huwa apprezzat ferm u jagħti inkuraġġiment kbir lis-​26 pubblikatur ġewwa Għawdex.

Il-Jum Taʼ Assemblea Speċjali li jmiss huwa ppjanat għat-​12 taʼ Mejju u dan se jiġi miżmum f’Għawdex. Għala ma tippjanax li tattendi kif ukoll tipparteċipa fl-​arranġamenti tas-​servizz taʼ l-​għalqa li se jiġu organizzati fi tmiem dik il-​ġimgħa? Żgur li dan se jkun it-​tweġiba tiegħek għas-​sejħa urġenti, “Aqbeż qabża [s’Għawdex] u għinna.”