Se Tibbenefika Int Minn Territorju Persunali?

1. X’inhu territorju persunali?

¹ X’inhu territorju persunali? Dan huwa territorju li jkun tiegħek stess, forsi wieħed fejn tgħix int, u hu disponibbli f’kongregazzjonijiet li għandhom ħafna territorju. Il-​ktieb Organizzati f’paġna 103 jispjega: “Meta jkollok territorju persunali f’post konvenjenti tkun tistaʼ tuża b’mod effettiv il-​ħin li tistaʼ tiddedika għas-​servizz taʼ l-​għalqa. Ukoll, tistaʼ tistieden pubblikatur ieħor biex jaħdem miegħek fit-​territorju persunali tiegħek.”

2. Territorju persunali kif jistaʼ jintuża biex jissupplimenta l-​għoti taʼ xhieda bħala grupp?

² Biex Jissupplimenta l-​Għoti taʼ Xhieda Bħala Grupp: Jekk tikseb territorju persunali viċin l-​impjieg tiegħek, tkun tistaʼ tieħu sehem fil-​ministeru matul il-​brejk jew qabel ma tmur lura d-​dar, forsi maʼ xi pubblikatur ieħor li jaħdem fil-​viċinanzi. Jekk tikseb territorju viċin taʼ fejn toqgħod, jistaʼ jkun konvenjenti għalik u għall-​familja tiegħek biex tagħtu xhieda filgħaxijiet. Naturalment, jekk ma tmurx għal-​laqgħa tas-​servizz tal-​għalqa, ikun xieraq li titlob għad-​direzzjoni taʼ Ġeħova qabel tibda tipprietka. (Flp. 4:6) Barra minn hekk, għandek tibbilanċja l-​ħin li tqattaʼ fit-​territorju persunali mal-​ħin li tappoġġa l-​arranġamenti tal-​kongregazzjoni tal-​għoti taʼ xhieda bħala grupp. Speċjalment fi tmiem il-​ġimgħa, meta ħafna jiltaqgħu għas-​servizz tal-​għalqa, ġeneralment ikun aħjar li tappoġġa l-​grupp tas-​servizz tal-​għalqa tiegħek.

3. X’inhuma l-​benefiċċji taʼ li jkollok territorju persunali?

³ Benefiċċji: Jekk ikollok territorju persunali, se jkollok xi mkien fejn tipprietka kull meta tippermettilek l-​iskeda tiegħek. B’hekk, tkun tistaʼ tiddedika iktar ħin biex tipprietka u inqas ħin biex tivvjaġġa. Dan l-​arranġament iktar flessibbli jippermetti lil xi wħud biex jaqdu bħala pijunieri awżiljarji jew regulari. Ladarba l-​inkwilini li juru interess ikunu joqogħdu fl-​inħawi tiegħek, ikun iktar faċli li tmur lura u tikkonduċi studji tal-​Bibbja. Ħafna jibbenefikaw meta jippritkaw f’territorju persunali għax jgħinhom isiru jafu lill-​inkwilini u dawn jibdew jafdawhom iktar, speċjalment jekk it-​territorju jinħadem iktar minn darba qabel ma jingħata lura biex ikunu jistgħu jiħduh oħrajn. Territorju persunali jistaʼ jkun t’għajnuna għalik u għall-​familja tiegħek biex twettqu l-​ministeru tagħkom iktar bis-​sħiħ.—2 Tim. 4:5.