Hemm Bżonn Taʼ Iktar Aħwa Rġiel Fis-​Servizz Taʼ Pijunier

¹ Pawlu ħeġġiġna biex ‘dejjem ikollna ħafna x’nagħmlu fix-​xogħol tal-​Mulej.’ (1 Kor. 15:58) Għal ħafna, dan ifisser li jidħlu fis-​servizz taʼ pijunier. F’Settembru li għadda, iktar minn 400 żdiedu maʼ l-​għadd taʼ pijunieri fl-​Ingilterra!

² Fil-​mument il-​biċċa l-​kbira taʼ dawk li qegħdin jaqdu bħala pijunieri f’dak il-​pajjiż huma aħwa nisa. (Salm 68:11) X’ferħ ikun għall-​kongregazzjoni li kieku iktar aħwa rġiel ikunu jistgħu jingħaqdu mal-​qaddejja full-time! (Salm 110:3) Nistgħu nifhmu li ħafna aħwa rġiel iridu jieħdu ħsieb t’obbligi importanti, sekulari u tal-​familja. Oħrajn jaħdmu wkoll iebes biex jieħdu ħsieb il-​bżonnijiet spiritwali tal-​kongregazzjoni. Aħna napprezzaw lil dawn l-​irġiel li qegħdin jitħabtu f’isem is-​Saltna.​—1 Tim. 4:10.

³ Minkejja dan, jistgħu iktar minnkom l-​aħwa rġiel tidħlu fis-​servizz taʼ pijunier? Jekk il-​mara tiegħek hi pijuniera, tistaʼ tingħaqad magħha? Jekk int irtirat, ma taqbilx li m’hemm l-​ebda mod iktar sodisfaċenti kif tqattaʼ l-​ħin tiegħek milli fil-​ministeru full-time? Jekk wasalt biex tieqaf mill-​iskola, ħsibt bis-​serjetà u bit-​talb dwar li tidħol fis-​servizz taʼ pijunier bħala pass ieħor ’il quddiem lejn privileġġi oħrajn taʼ servizz?​—Ef. 5:​15-17.

⁴ Wieħed ħu biegħ in-​negozju tiegħu li kien sejjer tajjeb u beda jaħdem part-time sabiex ikun jistaʼ jagħmel ix-​xogħol taʼ pijunier. Bl-​eżempju mill-​aqwa tiegħu, tlieta mill-​erbat itfal tiegħu saru pijunieri hekk kif spiċċaw mill-​iskola. Ir-​rabaʼ wieħed kien ħerqan li jingħaqad magħhom. Dan il-​ħu u l-​familja tiegħu ġew imberkin b’mod għani.

⁵ Bieb Kbir Huwa Miftuħ: Is-​servizz taʼ pijunier jistaʼ jiftaħ “bieb kbir li jwassal għal attività.” (1 Kor. 16:9) Aħwa rġiel li huma pijunieri jistgħu jiġu wżati bil-​kbir fil-​kongregazzjoni. L-​attività żeluża fl-​għalqa tkompli żżid maʼ l-​istatura spiritwali tagħhom u tikkontribwixxi lejn l-​avvanz teokratiku tagħhom. Ix-​xogħol taʼ pijunier jistaʼ jiftaħ it-​triq lejn privileġġi oħrajn taʼ servizz. Wara l-​ewwel sena taʼ xogħol taʼ pijunier, hemm il-​barka li wieħed jattendi l-​Iskola tas-​Servizz taʼ Pijunier. Qaddejja ministerjali u anzjani mhux miżżewġin jistgħu jimmiraw lejn li jattendu l-​Iskola tat-​Taħriġ Ministerjali. Koppji miżżewġin li huma kkwalifikati jistgħu japplikaw għall-​Iskola taʼ Gilead. Aħwa rġiel għandhom mnejn eventwalment jikkwalifikaw għax-​xogħol taʼ vjaġġar. Iva, il-​ministeru taʼ pijunier jiftaħ il-​bieb għal dawn il-​privileġġi akbar taʼ servizz fl-​organizzazzjoni taʼ Jehovah.

⁶ L-​aħwa rġiel li jistgħu jagħmlu wisaʼ għas-​servizz taʼ pijunier regulari jistgħu jesperjenzaw l-​hena akbar li jiġi meta nagħtu iktar.​—Atti 20:35.