L-​Iskola Tal-​Ministeru Teokratiku Għall-​1998

Li wieħed jiġi mħarreġ ifisser li jiġi “mgħallem jew istruwit f’għarfien jew sengħa speċifika.” Permezz taʼ l-​Iskola tal-​Ministeru Teokratiku, qegħdin niġu mħarrġin kontinwament fl-​għarfien t’Alla. Ukoll, is-​sehem tagħna f’din l-​iskola jagħtina l-​opportunità li niżviluppaw l-​abbiltajiet tagħna li nitkellmu u ngħallmu. Il-​programm taʼ l-​iskola għall-​1998 se jagħtina ħafna opportunitajiet biex nimxu iktar ’il quddiem spiritwalment.

Hekk kif tifli l-​iskeda taʼ l-​iskola għas-​sena d-​dieħla, se tinnota li xi kultant l-​Inkarigu Nru. 3 se jkun ibbażat fuq karattru Bibliku skond ma jinstab fil-​volumi taʼ l-​Insight. Iktar minn hekk, il-​ktieb L-​Hena Fil-​Familja ġie miżjud mal-​kurrikulu għall-​1998, u l-​Inkarigi Nru. 3 u Nru. 4 se jgħadduh progressivament. Kulmeta l-​ktieb L-​Hena Fil-​Familja jkun il-​bażi taʼ l-​Inkarigu Nru. 4, il-​ħu għandu jagħtih bħala taħdita lill-​kongregazzjoni. U, bħala tfakkira, ħadd fil-​programm taʼ l-​iskola m’għandu jaqbeż il-​ħin.

Aspett Ġdid: Għall-​benefiċċju persunali tagħna, tpoġġiet fil-​parentesi “Skeda Għall-​Qari Tal-​Bibbja Supplimentari” wara n-​numru taʼ l-​għanja għal kull ġimgħa. Għalkemm l-​ebda partijiet mill-​programm taʼ l-​iskola għal kull ġimgħa m’huma bbażati minn fuqha, agħmilha l-​mira tiegħek li ssegwiha. Dan se jgħinek biex tieħu d-​drawwa li taqra l-​Bibbja kuljum jekk m’intix diġà qiegħed tagħmel hekk.

Għal iktar tagħrif dwar inkarigi, pariri, u reviżjonijiet bil-​miktub, jekk jogħġbok aqra sew l-​istruzzjonijiet misjubin fl-​“Iskeda Taʼ L-​Iskola Tal-​Ministeru Teokratiku Għall-​1998,” u kif ukoll paġna 3 taʼ Il-​Ministeru Tas-​Saltna t’Ottubru 1996.

Jekk għadek m’intix miktub fl-​Iskola tal-​Ministeru Teokratiku, nistidnuk biex tinkiteb issa. Din l-​iskola unika qed ikompli jkollha rwol importanti f’li tħarreġ qaddejja umlin u devoti taʼ Jehovah biex isiru kkwalifikati aħjar bħala l-​ministri tiegħu.​—1 Tim. 4:​13-​16.