Kaxxa għall-​Mistoqsija

◼ X’nistgħu nagħmlu biex intejbu l-​effettività tal-​laqgħat tagħna?

Xi wħud għandhom mnejn ikunu inklinati li jħossu li l-​anzjani u l-​qaddejja ministerjali biss huma responsabbli għas-​suċċess tal-​laqgħat tal-​kongregazzjoni għaliex huma jikkonduċuhom u jkollhom il-​biċċa l-​kbira tal-​partijiet fihom. Verament, ilkoll kemm aħna nistgħu nikkontribwixxu personalment lejn laqgħat interessanti u taʼ benefiċċju. Nistgħu ngħinu f’li nagħmlu l-​laqgħat iktar effettivi bil-​għaxar modi li ġejjin:

Ipprepara bil-​quddiem. Meta nippreparaw tajjeb, il-​laqgħat jolqtulna l-​interess tagħna. Meta lkoll kemm aħna nagħmlu hekk, il-​laqgħat ikunu iktar ħajjin u iktar edifikanti. Attendi regolarment. Attendenza għolja hija iktar inkuraġġanti għal kulmin ikun preżenti, billi ssaħħaħ l-​apprezzament għall-​importanza taʼ l-​attendenza. Asal fil-​ħin. Jekk inkunu bil-​qiegħda qabel jibda l-​programm, nistgħu ningħaqdu fl-​għanja u t-​talba tal-​ftuħ u b’hekk nirċievu l-​benefiċċju massimu mil-​laqgħa. Ejja mgħammar tajjeb. Billi nġibu l-​Bibbja tagħna u l-​pubblikazzjoni(jiet) użati waqt il-​laqgħa, nistgħu nsegwu u nifhmu iktar dak li jkun qed jiġi diskuss. Evita d-​distrazzjonijiet. Nistgħu nisimgħu aħjar meta npoġġu bil-​qiegħda fuq quddiem. Tfesfis u li spiss noqogħdu ġejjin u sejrin it-​tojlit jistaʼ jtellef il-​konċentrazzjoni tagħna u taʼ oħrajn. Kun parteċipant/a. Meta iktar minna ngħollu jdejna u nikkummentaw, iktar uħud jiġu inkuraġġiti u jinbnew mill-​espressjonijiet taʼ fidi. Agħmel kummenti qosra. Dan jagħti opportunità lil iktar uħud possibbli biex jieħdu sehem. Għandna nżommu l-​kummenti qosra tagħna strettament mal-​materjal li jkun qed jiġi studjat. Wettaq l-​inkarigi. Bħala studenti fl-​Iskola tal-​Ministeru Teokratiku jew bħala parteċipanti fil-​Laqgħa tas-​Servizz, ippreparaw tajjeb, agħmlu provi minn qabel, u ipprovaw tfallux. Agħti prosit lill-​parteċipanti: Għid lil oħrajn kemm l-​isforzi tagħhom huma apprezzati. Dan jibnihom u jimmotivahom biex jagħmlu saħansitra aħjar fil-​futur. Inkuraġġixxu lil xulxin: Tislim b’qalb tajba u konversazzjonijiet li jibnu qabel u wara l-​laqgħat iżidu mal-​gost u l-​benefiċċji li nieħdu milli nattendu għal-​laqgħat.