¹ Il-profeta Isaija ddeskriva lil Jehovah bħala l-​Istruttur Grandjuż, li bħal missier iħeġġeġ lill-​poplu tiegħu: “Din hi t-​triq; għaddi minnha.” (Is. 30:20, 21) Imma aħna kif nisimgħu lil Jehovah jitkellem għall-​ġid tagħna? Jehovah jitkellem mal-​poplu tiegħu permezz tal-​paġni tal-​Bibbja kif ukoll permezz taʼ pubblikazzjonijiet, laqgħat, avvenimenti importanti tas-​circuit, u konvenzjonijiet distrettwali bbażati mill-​Bibbja li huma provduti mill-​“ilsir leali u diskret.” (Mt. 24:45, NW) Aħna għandna nirringrazzjaw lil Jehovah talli jkompli jiggwidana fit-​triq li għandna nimxu.

² Kull sena, il-​konvenzjoni distrettwali tagħtina l-​opportunità biex niltaqgħu maʼ sħabna fit-​twemmin u biex nisimgħu b’attenzjoni l-​istruzzjonijiet taʼ Jehovah. Is-​sena l-​oħra, 873 persuna attendew għall-​Konvenzjoni “Nagħmlu Dak li Tgħid il-​Kelma t’Alla” li kienet tant saħħitna spiritwalment. Fl-​2001, il-​Konvenzjoni Distrettwali taʼ tlett ijiem “Għalliema tal-​Kelma t’Alla,” se ssir madwar id-​dinja kollha, u aħna nafu li int qed tħares ’il quddiem sabiex tagħmel l-​arranġamenti persunali tiegħek ħalli tattendi, flimkien m’aħwa lokali oħrajn u numru taʼ delegati mill-​Britannja. Għalhekk nixtiequ ngħidu xi ħaġa fil-​qosor għalissa. Tfakkiriet iktar dettaljati se jiġu pubblikati hekk kif nersqu iktar qrib tad-​dati ­tal-konvenzjoni.

³ Il-Kondotta Xierqa Tagħna fin-​New Dolmen: Is-​sena l-​oħra ħafna minn dawk li jmexxu l-​lukanda qalu diversi affarijiet pożittivi biex ifaħħru lill-​aħwa għall-​imġiba tajba tagħhom. Din is-​sena, għandna nagħmluha l-​mira tagħna li naħdmu iktar iebes biex inkunu żguri li tingħata xiehda tajba bl-​imġiba tagħna.

⁴ Nieħdu Ħsieb Dawk bi Bżonnijiet Speċjali: Ix-​xjuħ, dawk b’saħħa batuta, dawk fis-​servizz full-time, jew oħrajn għandhom mnejn ikollhom bżonn l-​għajnuna biex jattendu għall-​konvenzjoni. Il-​qraba, l-​anzjani, u oħrajn fil-​kongregazzjoni li huma konxji taċ-​ċirkustanzi uniċi taʼ dawk bi bżonnijiet speċjali jistgħu jgħinuhom b’imħabba biex jagħmlu l-​arranġamenti neċessarji sabiex jipprovdulhom dak li għandhom bżonn. Ir-​responsabbiltà tal-​familja u tal-​kongregazzjoni m’għandhiex tintefaʼ fuq min jorganizza l-​konvenzjoni.—1 Tim. 5:4.

⁵ Konklużjoni: Hekk kif iż-​żmien joqrob sabiex tattendi għall-​konvenzjoni distrettwali tiegħek, itlob lil Jehovah biex jgħinek tattendi għas-​sezzjonijiet kollha tat-​tlett ijiem kollha u biex tikseb il-​benefiċċji kollha mill-​programm. Tlabt int minn issa l-​leave mix-​xogħol għat-​tlett ijiem tal-​konvenzjoni li bi ħsiebek tattendi? Jekk għadek le, agħmel dan malajr kemm jistaʼ jkun. Meta titlob il-​leave fl-​aħħar minuta ġeneralment dan ma jingħatax. L-​ilsir leali u diskret ħejja l-​Konvenzjoni Distrettwali taʼ din is-​sena “Għalliema tal-​Kelma t’Alla” sabiex jipprovdi taħriġ spiritwali għalina u biex isaħħilna l-​fidi tagħna. Mela ibda ippjana minn issa biex tattendi, billi tagħti kas it-​twissija ­tas-salmista: “Bierku ’l Alla fil-​laqgħat tagħkom.”—Salm 68:27 [68:26, NW].

Dati u Ħinijiet tal-​Programm

7, 8, u 9 taʼ Settembru, 2001

Il-Ġimgħa u s-​Sibt

9:30 a.m. 5:00 p.m.

Il-Ħadd 9:30 a.m. 4:00 p.m.