Reazzjoni Entużjastika!
1 Il-familji Kristjani maʼ kullimkien esprimew l-apprezzament tagħhom b’entużjażmu għall-vidjo Young People Ask—How Can I Make Real Friends? (Iż-Żgħażagħ Jistaqsu—Kif Jistaʼ Jkolli Ħbieb Veri?) Missier mill-Istati Uniti qal li wara li raw il-vidjo, uliedu s-subien qagħdu bil-qiegħda mingħajr ma lissnu kelma. Dan għaliex setgħu jifhmu x’jiġifieri li tgħaddi mill-affarijiet kollha li ssemmew fil-vidjo! Rapport mill-Malawi jgħid li l-aħwa żgħażagħ t’hemmhekk ukoll raw kemm jgħodd għalihom minħabba li huma jgħaddu mill-istess pressjonijiet minn sħabhom taʼ l-iskola. Missier mill-Ġermanja qal dwar il-vidjo: “Inħoss li hu t-tweġiba għat-talb tiegħi.” Waħda żagħżugħa qalet: “Grazzi talli fakkartuni li Jehovah tassew jieħu ħsiebi.” Anzjan minn New Zealand irrapporta: “Dan għen lil waħda miż-żgħażagħ tagħna terġaʼ lura lejn it-triq tal-ħajja.” Mara adulta miżżewġa ratu u qalet: “Kemm nixtieq li kull individwu żagħżugħ fil-verità jara dan il-vidjo u jitqanqal biex iħalli l-verità ssir parti minnu!” Familji, għax ma terġgħux tarawh? Imbagħad, iddiskutu flimkien il-mistoqsijiet li ġejjin.
2 Introduzzjoni: X’inhu ħabib veru?—Prov. 18:24.
3 Ostakli għall-Ħbiberija: Kif tistaʼ tevita li tħossok imwarrab? (Flp. 2:4) Għala għandek tkun lest li ttejjeb il-personalità tiegħek, u min jistaʼ jgħinek tagħmel dan? X’se jiftaħlek l-opportunità biex tagħmel iktar ħbieb, u fejn tistaʼ ssibhom?—2 Kor. 6:13, New World Translation.
4 Ħbiberija m’Alla: Kif tistaʼ tiżviluppa relazzjoni maʼ Jehovah, u għala hu taʼ min jagħmel l-isforz għaliha? (Salm 34:9 [34:8, NW]) Min hu l-aħjar li jistaʼ jsaħħaħ il-ħbiberija tiegħek m’Alla?
5 Sħubija Ħażina: Is-sħubija maʼ min hija ħażina? (1 Kor. 15:33) Kif tistaʼ l-għażla ħażina taʼ ħbieb twassal lil dak li jkun għal rovina spiritwali? X’jgħallmek ir-rakkont Bibliku dwar Dina?—Ġen. 34:1, 2, 7, 19.
6 Drama taż-Żmien Modern: Iż-żagħżugħa Tara kif kienet effettwata mis-solitudni? Kif iġġustifikat ruħha talli kienet qed tissieħeb maż-żgħażagħ tad-dinja? Lejn liema perikli ressquha? Il-ġenituri tagħha għala naqsu milli jaraw f’liema periklu kienet tinsab, iżda b’liema attitudni għenuha tirkupra spiritwalment? Oħt pijuniera kif uriet li kienet ħabiba vera għal Tara? Il-Kristjani għala għandhom jagħtu kas dak li hemm fi Proverbji 13:20 u f’Ġeremija 17:9? Liema lezzjoni importanti tgħallmet Tara?
7 Konklużjoni: Liema lezzjonijiet tgħallimt minn dan il-vidjo? Kif tistaʼ tużah biex tgħin lil oħrajn?—Salm 71:17.