Kaxxa għall-​Mistoqsija

◼ Liema livell fl-​ilbies u d-​dehra għandna nosservaw meta nżuru d-​djar taʼ Betel u xi faċilitajiet tal-​fergħa?

Meta nżuru Betel biex induru l-​faċilità jew biex inżuru lil xi membri mill-​familja taʼ Betel, “l-​ilbies, id-​dehra u l-​kondotta tagħna għandhom ikunu simili għal dak li hu mistenni minna meta nattendu l-​laqgħat għall-​qima fis-​Sala tas-​Saltna.” (om 131) Madankollu, ġie notat li xi aħwa, meta jżuru l-​uffiċċji tal-​fergħa, għandhom it-​tendenza li jkunu każwali żżejjed fl-​ilbies tagħhom. Dan m’huwiex xieraq meta nkunu qed inżuru dawn il-​faċilitajiet. Id-​dehra tagħna għandha tkun eżemplari, pulita u modesta, biex tirrifletti d-​deċenza u d-​dinjità li jixirqu lill-​qaddejja t’Alla Jehovah.—1 Tim. 2:​9, 10.

Dan hu speċjalment importanti meta nkunu qed inżuru d-​djar taʼ Betel u l-​faċilitajiet tal-​fergħa għaliex dawn jiġbdu l-​attenzjoni taʼ ħafna osservaturi li m’humiex Xhieda. Dawn l-​osservaturi jistgħu jifformaw opinjoni dwar in-​nies t’Alla u l-​organizzazzjoni tiegħu skond dak li jaraw. Ikun xieraq li titkellem maʼ studenti tal-​Bibbja u m’oħrajn li għandhom mnejn ikunu se jżuru l-​post biex tfakkarhom kemm hu importanti li joqogħdu attenti għall-​ilbies u d-​dehra tagħhom. Il-​familja taʼ Betel se tapprezza l-​fatt li tkun għamilt dan.

Bħala ministri Kristjani, għandna noqogħdu attenti li d-​dehra tagħna ma tfixkilx lil ħaddieħor. (2 Kor. 6:​3, 4) Minflok, bl-​imġiba xierqa tagħna, jalla dejjem ‘f’kollox nagħmlu ġieħ lit-​tagħlim taʼ Alla, is-​Salvatur tagħna.’—Titu 2:10.