Appell mill-​Qalb biex Nagħtu Kas l-​Eżempji taʼ Twissija għal Żmienna

Ilkoll kemm aħna nistgħu nsaħħu d-​determinazzjoni tagħna biex inżommu l-​integrità billi ndaħħlu f’qalbna t-​tagħlimiet li ħarġu mid-​drama Biblika murija fil-​vidjo Warning Examples for Our Day (Eżempji taʼ Twissija għal Żmienna). Qabel ma tarah, jekk jogħġbok aqra Numri kapitlu 25 u l-​materjal relatat miegħu fl-​Insight on the Scriptures, it-​2 Volum, paġna 419, paragrafi 3-5. Imbagħad wieġeb dawn il-​mistoqsijiet: Min kienu l-​Mowabin, u Jehovah għala qal lil Mosè biex ma jitqabadx magħhom? (Dt. 2:9) Balgħam kif ikkomplotta biex juża lil Mowabin sabiex jeqred lill-​ġens taʼ Iżrael? Għala m’għandniex ninsew li ħafna Iżraelin ma għaddewx minn prova vitali eżatt qabel ma kienu se jidħlu fl-​Art Imwiegħda?—1 Kor. 10:​11, 12.

Waqt li tkun qed tara lvidjo Warning Examples, aħseb dwar l-​erbaʼ aspetti tal-​ħajja li ġejjin li għandna nagħtu kashom bis-​serjetà fi żmienna jekk irridu nkunu leali u ngawdu l-​favur t’Alla. (1) L-​Attitudni: Xi Iżraelin kif urew attitudni ħażina lejn Jehovah u lejn l-​arranġamenti tiegħu? Għal kuntrarju, aħna liema attitudni rridu nħabirku biex nuru? (2) L-​Assoċjazzjonijiet: Jehovah għala ma riedx lill-​Iżraelin jagħmlu ħbieb mal-​Mowabin? (Eżo. 34:12; Prov. 13:20) Għala għandna nagħżlu l-​ħbieb tagħna b’mod għaqli? (3) Il-​Morali: Minħabba l-​assoċjazzjoni ħażina, il-madwar 23,000 Iżraeli f’liema dnub serju waqgħu? (1 Kor. 10:8) Illum il-​ġurnata, x’ħajjar lil xi wħud mill-​poplu t’Alla biex jikkommettu l-​immoralità, imma aħna kif nistgħu nipproteġu lilna nfusna? (4) Il-​Qima: Xi prova kellhom l-​Iżraelin biex juru li l-​qima tagħhom kienet safja? Xi wħud illum, għal liema tip sottili taʼ idolatrija għandhom mnejn iċedu, imma dan kif nistgħu nevitawh?—Kol. 3:5.

Fid-drama, Ġamin kif kien imbierek għall-​integrità morali tiegħu? Permezz taʼ dan il-​vidjo, liema appell mill-​qalb qed tagħmel il-​Ġemgħa li Tiggverna lill-​Kristjani veri kollha? Jekk inti kap tal-​familja, għala tħoss li jkun għaqli li l-​familja tiegħek jaraw dan il-​programm għal darba wara l-​oħra?