Vidjo li Se Jilluminak u Jqanqlek!

Kien ix-​xahar t’April taʼ l-​1951. Eluf taʼ Xhieda taʼ Jehovah fl-​ex-Unjoni Sovjetika—familji sħaħ—ġew miġbura kollha flimkien minn kwartieri differenti, mitfugħin ġo vaguni tal-​ferrovija tal-​merkanzija, u eżiljati lejn is-​Siberja. Il-​gvern Sovjetiku b’saħħtu ferm għal liema raġuni kien determinat li jeqridhom? Ħutna kif irnexxielhom jibqgħu ħajjin kif ukoll jimxu ’l quddiem minkejja snin sħaħ taʼ persekuzzjoni kontinwa? Tistaʼ ssib it-​tweġibiet fil-​vidjo Faithful Under Trials​—Jehovah’s Witnesses in the Soviet Union (Leali fil-​Provi—Ix-​Xhieda taʼ Jehovah fl-​Unjoni Sovjetika). Arah, u ħalli l-​messaġġ informattiv tiegħu jimmotivak biex, jiġri x’jiġri, iżżomm il-​lealtà tiegħek lejn Jehovah!

Taf twieġeb dawn il-​mistoqsijiet? (1) Ix-​Xhieda taʼ Jehovah meta ġew rikonoxxuti uffiċjalment għall-​ewwel darba fir-​Russja? (2) L-Unjoni Sovjetika kif spiċċat biex kellha eluf iktar taʼ familji taʼ Xhieda qabel u wara t-​Tieni Gwerra Dinjija? (3) It-​twemmin tagħhom kif kien f’konflitt dirett mal-​filosofija taʼ Lenin? (4) X’kienet l-​Operation North, u Stalin xi xtaq jikseb permezz tagħha? (5) X’kien ifisser l-​eżilju għax-​Xhieda, u xi ntqalilhom biex jagħmlu jekk riedu jevitaw li jiġu eżiljati? (6) Fil-​vjaġġ twil tagħhom bil-​ferrovija lejn is-​Siberja, ħutna rġiel u nisa kif inkuraġġew lil xulxin u ssorprendew lil dawk li kienu qabduhom? (7) Liema miżerji kellhom jiffaċċjaw ix-​Xhieda fis-​Siberja? (8) Xi provvedimenti spiritwali kienu japprezzaw tassew in-​nies taʼ Jehovah, u għala? (9) Ħutna għala kienu lesti li jirriskjaw ħajjithom biex jirċievu l-​letteratura, u kif kellhom suċċess f’dan avolja l-​awtoritajiet għamlu minn kollox biex ma jirċivuhiex? (10) Khrushchev kif kompla bl-​attakk tiegħu fuq in-​nies t’Alla? (11) L-​awtoritajiet kif ipprovaw ikissru l-​fidi tat-​tfal tax-​Xhieda? (12) Liema fehma ċara kellhom ħutna rigward ir-​raġuni l-​għala kienu qegħdin jiġu persegwitati? (2002 Yearbook, paġni 203-4) (13) L-​attakk sfrenat fuq lorganizzazzjoni t’Alla kif kellu l-​effett oppost taʼ dak mistenni mill-​persekuturi? (2002 Yearbook, paġni 220-1) (14) Liema affarijiet li qabel ix-​Xhieda taʼ l-​ex-Unjoni Sovjetika kienu joħolmu biss dwarhom issa saru possibbli? (15) X’kien li għen lil ħutna jissaportu lprovi, u l-​aħħar xena tal-​vidjo kif turi l-​verità taʼ Ġeremija 1:19? (16) Irrakkonta waħda mill-​esperjenzi taʼ ħajjet dawk l-​aħwa li baqgħu leali fil-​provi li tqanqlek b’mod speċjali.