L-​Attendenza Regulari għal-​Laqgħat​—Prijorità

¹ Il-​familji Kristjani jagħtu prijorità lill-​attendenza regulari għal-​laqgħat. Imma l-​ħtiġijiet tal-​ħajja llum jistgħu joħolqu sfida. Qegħdin il-​faċendi tad-​dar, ix-​xogħol sekulari, jew ix-​xogħol taʼ l-​iskola jibdew jiħdulna bil-​mod il-​mod mill-​ħin li huwa mwarrab għall-​qima taʼ Jehovah? Jekk naraw l-​affarijiet bħalma jarahom Jehovah se niġu megħjuna nżommu l-​prijoritajiet tagħna.​—1 Sam. 24:7 (24:​6, New World Translation); 26:11.

² Billi ġabar il-​ħatab f’jum is-​Sibt, wieħed raġel Iżraeli naqas apposta li jikkunsidra l-​ħarsa taʼ Jehovah. Hu setaʼ rraġuna li kien qed jipprovdi għall-​familja tiegħu, jew li din kienet biss xi ħaġa żgħira. Però, bil-​ġudizzju li tah, Jehovah wera li hija xi ħaġa serja li niġru wara attivitajiet tad-​dinja waqt il-​ħin li għandu jintuża għall-​qima.​—Num. 15:​32-36.

³ Negħlbu l-​Isfida: Ħafna għandhom ġlieda biex iżommu x-​xogħol sekulari tagħhom milli jinterfieri maʼ l-​attendenza għal-​laqgħat. Xi wħud irnexxielhom jegħlbu din l-​isfida billi tkellmu maʼ l-​imgħallem tagħhom, biddlu x-​xift maʼ sħabhom tax-​xogħol, fittxew xogħol iktar xieraq, jew issimplifikaw l-​istil taʼ ħajjithom. Bla ebda dubju, sagrifiċċji bħal dawn għall-​qima vera jogħġbuh ħafna lil Alla.​—Lhud 13:16.

⁴ Il-​ħowmwerk ukoll jistaʼ jippreżenta sfida. “Jien nagħmel xi ftit mill-​ħowmwerk tiegħi qabel il-​laqgħa u l-​kumplament nagħmlu x’ħin immur lura d-​dar,” qalet waħda żagħżugħa. Jekk il-​ħowmwerk kollu ma jkunx jistaʼ jsir fil-​ġranet tal-​laqgħat, xi ġenituri spjegaw lill-​għalliema li l-​attendenza għal-​laqgħat Kristjani hija prijorità għall-​familja tagħhom.

⁵ Il-​kooperazzjoni u l-​ippjanar tajjeb huma fatturi importanti biex jitlestew il-​faċendi tad-​dar bħala preparazzjoni sabiex il-​familja tattendi l-​laqgħa fil-​ħin. (Prov. 20:18) Anki tfal żgħar jistgħu jiġu mgħallma jilbsu u jkunu lesti biex jitilqu għal-​laqgħa f’ħin speċifiku. Bl-​eżempju tagħhom, il-​ġenituri jistgħu jnaqqxu l-​importanza tal-​laqgħat fit-​tfal tagħhom.​—Prov. 20:7.

⁶ Hekk kif il-​pressjonijiet taʼ din is-​sistema dinjija jkomplu jikbru, huwa vitali li nattendu l-​laqgħat tal-​kongregazzjoni regolarment. Jalla nkomplu naraw l-​affarijiet kif jarahom Jehovah u nagħmlu l-​attendenza regulari għal-​laqgħat prijorità.​—Lhud 10:​24, 25.