Agħmel Skeda Prattika għall-​Familja

¹ Fil-​Priedka taʼ fuq il-​Muntanja, Ġesù ħeġġeġ lis-​semmiegħa tiegħu: “Mela, ibqgħu fittxu l-​ewwel is-​saltna u s-​sewwa tiegħu.” (Mt. 6:33) Mod prattiku kif tippjana l-​attivitajiet tal-​familja sabiex l-​affarijiet spiritwali jingħataw prijorità hu billi jkollok skeda miktuba. Ħu ftit minuti biex tagħmel l-​iskeda tal-​familja tiegħek għal matul il-​ġimgħa billi tuża l-​iskeda vojta f’paġna 6 taʼ dan l-​insert. Bħala proġett tal-​familja, xi wħud għandhom mnejn ikunu jixtiequ jwaħħlu maʼ l-​iskeda karta bl-​informazzjoni li se jistudjaw. Oħrajn forsi jippreferu jniżżlu bil-​miktub dawn l-​attivitajiet fl-​iskeda.

² L-​iskeda t’hawn taħt li tqiegħdet bħala eżempju tistaʼ tgħinek biex tagħmel l-​iskeda tiegħek. Innota li din tinkludi erbaʼ attivitajiet bażiċi: (1) l-​attendenza għal-​laqgħat tal-​kongregazzjoni, (2) is-​servizz taʼ l-​għalqa bħala familja, (3) l-​istudju tal-​familja, u (4) id-​diskussjoni taʼ l-​iskrittura tal-​jum. Jekk tinkludihom fl-​iskeda tiegħek se tkun tistaʼ ‘taċċerta ruħek minn dak li hu iktar importanti.’ (Flp. 1:​10) Hemm iktar suġġerimenti dwar dawn l-​erbaʼ affarijiet f’paġni 4-5.

³ L-​iskeda tal-​familja tiegħek m’għandhiex għalfejn tkun limitata għal dawk l-​erbaʼ attivitajiet biss. Jekk tippreparaw għal ċerti laqgħat bħala familja, agħmel nota taʼ dan fuq l-​iskeda tiegħek. Jekk taqraw porzjon mill-​Bibbja flimkien wara li taqraw l-​iskrittura tal-​jum jew tagħmlu dan f’xi ħin ieħor, agħmel nota taʼ dan ukoll. Jekk ġeneralment tieħdu sehem f’xi tip taʼ rikreazzjoni bħala familja, tistaʼ jekk trid tniżżel dan ukoll fl-​iskeda tiegħek.

⁴ Addatta l-​iskeda tal-​familja tiegħek biex tilħaq il-​bżonnijiet u ċ-​ċirkustanzi taʼ kull membru tal-​familja. Kultant żmien ara kif intom sejrin, u agħmel aġġustamenti skond il-​bżonn.

[Tabella f’paġna 3]

Eżempju taʼ Skeda tal-​Familja

Fil-​Għodu Wara Nofsinhar Fil-​Għaxija

Il-​Ħadd Skrittura tal-​Jum

Taħdita Pubblika u Studju

tat-​Torri taʼ l-​Għassa

It-​Tnejn Skrittura tal-​Jum Studju tal-​Familja

It-​Tlieta Skrittura tal-​Jum Studju tal-​Ktieb tal-​Kongregazzjoni

L-​Erbgħa Skrittura tal-​Jum

Il-​Ħamis Skrittura tal-​Jum Skola tal-​ Ministeru

Teokratiku u Laqgħa tas-​Servizz

Il-​Ġimgħa Skrittura tal-​Jum

Is-​Sibt Skrittura tal-​Jum

Servizz taʼ l-​Għalqa

Bħala Familja (Ġurnata

tar-​Rivisti)

[Tabella f’paġna 6]

Skeda tal-​Familja

Għall-​formazzjoni sħiħa tat-​test, ara pubblikazzjoni