Nilħqu Kemm Jistaʼ Jkun Nies
1. Il-Kristjani tal-bidu x’għamlu biex jilħqu kemm jistaʼ jkun nies bl-aħbar tajba?
1 Is-segwaċi tal-bidu li kellu Ġesù kienu ħerqanin biex isibu modi kif ixerrdu l-messaġġ tas-Saltna. Ħadu passi prattiċi biex iwasslu l-aħbar tajba lil kemm jistaʼ jkun nies. Il-Kristjani li kitbu b’ispirazzjoni fil-Bibbja użaw il-Grieg komuni, il-lingwa internazzjonali taʼ l-Imperu Ruman. Iktar minn hekk, il-predikaturi żelużi, mit-tieni u t-tielet seklu E.K. ’l quddiem, probabbilment kienu minn taʼ l-ewwel li użaw il-manuskritt forma taʼ ktieb, li kien iktar faċli biex jintuża mir-romblu sabiex wieħed ifittex ir-referenzi.
2, 3. (a) Isaija 60:16 kif qed jitwettaq fi żmienna? (b) It-teknoloġija kif qed tintuża biex il-qima pura tkompli tixtered?
2 L-Użu tat-Teknoloġija: Permezz tal-profeta Isaija, Ġeħova bassar: “Bħal tarbija terdaʼ ħalib il-ġnus.” (Is. 60:16) Fit-twettiq modern taʼ din il-profezija, il-qaddejja taʼ Ġeħova qed jużaw riżorsi prezzjużi mill-ġnus biex imexxu ’l quddiem ix-xogħol taʼ l-ippridkar. Per eżempju, fl-1914, snin qabel ma l-films bil-kliem irnexxew b’mod kummerċjali, l-Istudenti tal-Bibbja bdew juru l-“Photo-Drama of Creation.” Dan il-film, li kien twil tmien sigħat, kien fih ukoll preżentazzjoni taʼ slajds bil-kulur u bis-sawnd. Miljuni taʼ nies ħadu xiehda qawwija permezz tiegħu.
3 Illum, in-nies t’Alla jużaw magni taʼ l-istampar li jgħaġġlu ferm u għodda li taħdem bil-kompjuters sabiex jippubblikaw Bibbji u letteratura Biblika b’mijiet taʼ lingwi. Il-mezzi taʼ trasport iwasslu malajr il-letteratura Biblika lejn postijiet ’il bogħod fid-dinja, u jilħqu nies f’235 pajjiż. Permezz taʼ l-ispirtu tiegħu, Ġeħova qanqal lill-qaddejja tiegħu biex jużaw din it-teknoloġija b’mod prattiku, u b’hekk iwasslu l-verità tal-Bibbja lil ħafna iktar nies minn qatt qabel fl-istorja.
4. Xi wħud liema aġġustamenti għamlu f’ħajjithom sabiex jilħqu iktar nies bl-aħbar tajba?
4 Aġġustamenti Persunali: Uħud li huma aduraturi veri tqanqlu wkoll biex jagħmlu aġġustamenti persunali sabiex jilħqu iktar nies bl-aħbar tajba. Ħafna ssimplifikaw ħajjithom sabiex ikollhom sehem akbar fix-xogħol taʼ l-ippridkar. Xi wħud marru jaqdu fejn il-bżonn taʼ proklamaturi tas-Saltna hu akbar. Oħrajn kabbru l-ministeru tagħhom billi tgħallmu lingwa barranija.
5, 6. X’jistaʼ jsir sabiex nilħqu kemm jistaʼ jkun nies fit-territorju lokali?
5 Iktar minn hekk, nistgħu nilħqu iktar nies bl-aħbar tajba billi nippridkaw meta n-nies ikunu d-dar u fejn nistgħu nsibuhom. Jekk in-nies spiss ma jkunux id-dar matul il-ġurnata fit-territorju tiegħek, tistaʼ int tirranġa l-iskeda biex tagħti xiehda kmieni fil-għaxija? Hemm postijiet pubbliċi fejn tistaʼ tagħti xiehda? Ipprovajt tagħti xiehda bit-telefon u taħdem it-territorju tan-negozju? Tfittex opportunitajiet biex tagħti xiehda informali?
6 Kemm aħna privileġġati li nieħdu sehem fix-xiehda kbira li qed tingħata dwar isem Ġeħova u Saltnatu! Jalla nkomplu naqsmu l-verità mill-Kelma t’Alla, li tagħti l-ħajja, maʼ kemm jistaʼ jkun nies.—Mt. 28:19, 20.