Programm Ġdid għall-​Assemblea tas-​Circuit

Id-​dinja tridna naħsbu li din is-​sistema se tibqaʼ għal dejjem. Però, il-​Kelma t’Alla tgħidilna mod ieħor. (1 Ġw. 2:​15-​17) Tgħinna nifhmu li għalxejn ‘naħżnu teżori fuq l-​art.’ Biex isaħħaħ lill-​poplu t’Alla, il-​programm taʼ l-​assemblea tas-​circuit għas-​sena taʼ servizz 2007 se jiżviluppa t-​tema “Aħżnu Teżori fis-​Sema.”​—Mt. 6:​19, 20.

Il-ħsibijiet materjalistiċi huma inklużi f’dak li Efesin 2:2 jirreferi għalih bħala “l-​awtorità taʼ l-​arja, l-​ispirtu li issa qed jaħdem f’ulied id-​diżubbidjenza.” Sewwasew bħalma l-​arja letterali tinsab kullimkien, lesta biex tidħol fin-​nifs taʼ dak li jkun, hekk ukoll “l-​ispirtu tad-​dinja” jinsab kullimkien f’din is-​sistema. (1 Kor. 2:12) Ladarba l-​influwenza tiegħu hi qawwija ħafna, jingħad li għandu l-​“awtorità.” Il-​programm ġdid taʼ l-​assemblea tas-​circuit se jgħinna nevitaw il-​ħsieb materjalistiku tad-​dinja u se jgħinna nkunu attenti biex nkunu ffokati sew fuq il-​prijoritajiet tagħna. (Mt. 6:33) Barra minn hekk, il-​programm se jgħinna nistrieħu fuq Ġeħova hekk kif inwettqu l-​ministeru tagħna minkejja l-​pressjonijiet u l-​provi li nistgħu niffaċċjaw. Kun ċert li tkun preżenti għaż-​żewġ ġranet u li ‘toqgħod attent iktar mis-​soltu.’ (Ebr. 2:1) Ħu noti fil-​qosor dwar punti li tistaʼ tapplika personalment f’ħajtek u fil-​ministeru tiegħek. Jekk tkun preżenti mill-​bidunett sa l-​aħħarnett taʼ dan il-​programm li se jagħmilna għonja spiritwalment, int se tiġi inkuraġġit u msaħħaħ biex tkompli ‘taħżen teżori fis-​sema.’