Kaxxa għall-​Mistoqsija

◼ Kif għandha tiġi introdotta l-​għanja tal-​ftuħ taʼ l-​Iskola tal-​Ministeru Teokratiku, tal-​Laqgħa tas-​Servizz, tal-​Laqgħa Pubblika, u taʼ l-​Istudju tat-​Torri taʼ l-​Għassa, u minn min?

L-​għażliet għall-​għanja tal-​ftuħ għal kull ġimgħa taʼ l-​Iskola tal-​Ministeru Teokratiku huma mniżżlin fl-​Iskeda taʼ l-​Iskola tal-​Ministeru Teokratiku li tidher fl-​insert tal-​Ministeru tas-​Saltna t’Ottubru. L-​għanjiet tal-​ftuħ u taʼ l-​għeluq għal-​Laqgħa tas-​Servizz taʼ kull ġimgħa jidhru f’paġna 2 tal-​Ministeru tas-​Saltna. Bl-​istess mod, in-​numri taʼ l-​għanjiet għall-​Istudju tat-​Torri taʼ l-​Għassa taʼ kull ġimgħa jinsabu f’paġna 2 taʼ kull ħarġa tat-​Torri taʼ l-​Għassa. L-​għanjiet assenjati huma kunsidrati bħala parti mil-​laqgħa li ġew konnessi magħha, u għalhekk iridu jiġu introdotti mill-​ħu li se jikkonduċi l-​laqgħa u mhux mill-​Indokratur taʼ l-​Iskola jew miċ-​chairman tal-​Laqgħa Pubblika.

Per eżempju, l-​indokratur taʼ l-​Iskola tal-​Ministeru Teokratiku se jagħti merħba lill-​udjenza, jintroduċi l-​għanja tal-​ftuħ, jikkonduċi l-​iskola, u mbagħad jistieden lill-​ewwel kelliemi tal-​Laqgħa tas-​Servizz biex jitlaʼ fuq il-​platform. Il-​ħu li se jkollu l-​parti tal-​Laqgħa tas-​Servizz huwa dak li għandu jintroduċi l-​għanja li tiftaħ il-​Laqgħa tas-​Servizz.

Bl-istess mod, il-​ftuħ tal-​Laqgħa Pubblika jrid isir miċ-​chairman. Hu jrid jagħti merħba mill-​qalb lil dawk kollha fl-​udjenza u jistidinhom biex jgħannu l-​għanja tal-​ftuħ li tkun ġiet magħżula mill-​kelliemi. Iċ-​chairman (jew forsi ħu kwalifikat ieħor magħżul minn qabel) irid jiftaħ il-​laqgħa b’talba. Hu se jintroduċi lill-​kelliemi u jgħid x’inhu s-​suġġett tat-​taħdita tiegħu. Wara t-​taħdita, iċ-​chairman, filwaqt li m’għandux jgħid fil-​qosor x’qal il-​kelliemi, se jesprimi fil-​qosor l-​apprezzament għall-​istruzzjoni li tkun ngħatat. Irid iħabbar it-​titlu tat-​taħdita pubblika li tkun se tingħata l-​ġimgħa taʼ wara u mbagħad irid jistieden lil dawk kollha fl-​udjenza biex jibqgħu għall-​Istudju tat-​Torri taʼ l-​Għassa. M’hemmx għalfejn li ċ-​chairman jistaqsi jekk l-​udjenza tridx tibgħat l-​imħabba u t-​tislijiet lill-​kongregazzjoni tal-​kelliemi li jkun qed iżur. Imbagħad, iċ-​chairman irid jistieden lill-​indokratur taʼ l-​Istudju tat-​Torri taʼ l-​Għassa biex jitlaʼ fuq il-​platform.

L-indokratur taʼ l-​Istudju tat-​Torri taʼ l-​Għassa se jintroduċi l-​ewwel għanja li se tintuża fi qbil maʼ l-​istudju. Hu se jikkonduċi l-​istudju fi qbil maʼ l-​istruzzjonijiet pubblikati u mbagħad iħabbar l-​għanja taʼ l-​għeluq. L-​indokratur taʼ l-​Istudju tat-​Torri taʼ l-​Għassa se jistieden bħas-​soltu lill-​ħu li jkun ta t-​taħdita pubblika biex joffri t-​talba taʼ l-​għeluq.

Jekk nosservaw dawn il-​gwidi ġenerali se ngħinu biex nagħmlu ċert li l-​laqgħat tal-​kongregazzjoni jiġu kondotti b’unità.