Skeda Ġdida għal-​Laqgħat tal-​Kongregazzjoni

1, 2. Liema bidliet fil-​laqgħat se jkun hemm b’seħħ minn Jannar 2009?

¹ Matul il-​ġimgħa bejn il-​21 u s-​27 t’April, 2008, il-​fratellanza madwar id-​dinja semgħet avviż eċċitanti. “B’seħħ mill-​1 taʼ Jannar, 2009, l-​Istudju tal-​Ktieb tal-​Kongregazzjoni se jibda jsir fl-​istess ħin taʼ l-​Iskola tal-​Ministeru Teokratiku u tal-​Laqgħa tas-​Servizz. L-​isem taʼ l-​Istudju tal-​Ktieb tal-​Kongregazzjoni se jinbidel għall-​Istudju tal-​Bibbja tal-​Kongregazzjoni.”

² Skeda Għal Din il-​Laqgħa taʼ Kull Ġimgħa: B’kollox din il-​laqgħa, inkluż l-​għanjiet u t-​talb, se tieħu siegħa u 45 minuta. Il-​laqgħa tibda b’għanja u talba (5 min.), segwita mill-​Istudju tal-​Bibbja tal-​Kongregazzjoni (25 min.). L-​Iskola tal-​Ministeru Teokratiku (30 min.) se tibda eżatt wara. U mbagħad, għanja (5 min.) tintroduċi l-​Laqgħa tas-​Servizz (35 min.). Il-​laqgħa tispiċċa b’għanja u talba (5 min.). Biex ngħinuk tipprepara għal dawn il-​laqgħat, l-​iskeda għall-​Istudju tal-​Bibbja tal-​Kongregazzjoni, għall-​Iskola tal-​Ministeru Teokratiku, u għal-​Laqgħa tas-​Servizz se tiġi pubblikata xahar b’xahar fil-​Ministeru tas-​Saltna.

3. Kif se jitmexxa l-​Istudju tal-​Bibbja tal-​Kongregazzjoni?

³ L-​Istudju tal-​Bibbja tal-​Kongregazzjoni: Din il-​laqgħa se tiġi mmexxija b’mod simili għall-​istudju tat-​Torri taʼ l-​Għassa. Mhux se jkun hemm bżonn li tinbeda b’reviżjoni tal-​materjal tal-​ġimgħa taʼ qabel. Minflok, il-​laqgħa għandu jkollha biss introduzzjoni qasira. Dan se jħalli ħin biżżejjed biex dawk kollha preżenti jagħmlu kummenti qosra. L-​indokratur li jippresiedi se jieħu ħsieb li jinkariga lill-​anzjani biex jikkonduċu din il-​laqgħa darba kull wieħed, anzjan differenti kull ġimgħa.

4. B’liema mod se tinbidel il-​Laqgħa tas-​Servizz?

⁴ Laqgħa tas-​Servizz: Il-​Laqgħa tas-​Servizz se tibqaʼ l-​istess imma b’inkarigi iqsar. L-​avviżi normalment se jieħdu ħames minuti. Dan għandu jkun biżżejjed biex isiru avviżi essenzjali u għal ċerti ittri mill-​uffiċċju lokali. Avviżi bħalma huma l-​arranġamenti għas-​servizz taʼ l-​għalqa, skedi tat-​tindif, rapporti tal-​kontijiet, u ittri li s-​soltu jibgħat l-​uffiċċju lokali m’għandhomx għalfejn jinqraw minn fuq il-​platform imma se jiġu mwaħħlin fuq in-​notice board biex jinqraw mill-​aħwa. Dawk li jkollhom inkarigu fil-​programm għandhom jippreparaw sew u jżommu sew mal-​ħin allokat lilhom u maʼ l-​istruzzjonijiet provduti.

5. Matul il-​ġimgħa taż-​żjara taʼ l-​indokratur tas-​circuit, kif se tkun l-​iskeda għal-​laqgħat tal-​kongregazzjoni?

⁵ Żjara taʼ l-​Indokratur tas-​Circuit: L-​iskeda tal-​ġimgħa taż-​żjara taʼ l-​indokratur tas-​circuit m’hijiex se tinbidel. It-​Tlieta se jkun hemm l-​Iskola tal-​Ministeru Teokratiku u l-​Laqgħa tas-​Servizz u għanja warajhom. U mbagħad l-​indokratur tas-​circuit jagħti taħdita taʼ 30 minuta. Bħalma qed isir issa matul il-​ġimgħa taż-​żjara tiegħu, se jkun hemm laqgħa oħra fil-​għaxija għall-​Istudju tal-​Bibbja tal-​Kongregazzjoni segwita minn għanja u t-​taħdita tas-​servizz taʼ l-​indokratur tas-​circuit. Il-​laqgħa tagħlaq b’għanja u talba.

6. X’inhu l-​irwol taʼ l-​indokratur tal-​grupp?

⁶ Laqgħat għas-​Servizz taʼ l-​Għalqa: L-​indokraturi tal-​grupp se jiġu inkarigati mill-​ġemgħa taʼ l-​anzjani biex jieħdu ħsieb il-​gruppi tas-​servizz taʼ l-​għalqa u l-​individwi li jifformaw il-​grupp. Meta jkun hemm bżonn li qaddej ministerjali jieħu dak l-​irwol, hu għandu jinħatar bħala l-​“qaddej tal-​grupp.”

7. X’nistgħu nistennew mill-​iskeda l-​ġdida għal-​laqgħat tal-​kongregazzjoni?

⁷ Bħalma ssemma, aħna se jkollna l-​opportunità li ngawdu festa spiritwali taʼ tagħlim u inkuraġġiment. Dan se jgħinna biex inkunu predikaturi u għalliema effettivi, imħarrġin għal ministeru iktar produttiv.—Efes. 4:13, 14; 2 Tim. 3:17.

8. Kif se nibbenefikaw sew aħna kif ukoll oħrajn minn preparazzjoni minn qabel b’mod individwali?

⁸ Meta nistudjaw minn qabel għal dawn il-​laqgħat se niġu megħjunin niffokaw tajjeb fuq il-​punti prinċipali li jiġu enfasizzati matul kull laqgħa. Aħna lkoll se jkollna l-​opportunità li nieħdu sehem bil-​kummenti tagħna, u b’hekk ninkuraġġixxu lil xulxin. (Rum. 1:11, 12; Ebr. 10:24) Il-​mira tagħna għandha tkun li ‘kulħadd jara li qed navanzaw’ billi ‘nimmaniġġaw sew il-​kelma tal-​verità.’—1 Tim. 4:15; 2 Tim. 2:15.

9. X’aħna determinati li nagħmlu, u għala?

⁹ Aħna ferħanin ħafna dwar din il-​bidla sinifikanti tal-​laqgħat tal-​kongregazzjoni tagħna. Jalla lkoll kemm aħna nieħdu vantaġġ mill-​gwida li qed jipprovdi “l-​ilsir leali u għaqli” u nżommu qrib ir-​Ragħaj il-​Kbir tagħna hekk kif qed jippreparana għat-​“tribulazzjoni” l-​kbira li hi fil-​qrib.—Mt. 24:21, 45; Ebr. 13:20, 21; Riv. 7:14.