Bidliet Eċċitanti fit-​Torri taʼ l-​Għassa!

¹ Iktar kmieni din is-​sena, il-​kongregazzjonijiet irċivew avviż eċċitanti: B’seħħ minn Jannar 2008, It-​Torri taʼ lGħassa se jkun f’żewġ edizzjonijiet differenti, waħda għall-​pubbliku u l-​oħra għall-​fratellanza Kristjana tagħna! Forsi int bdejt taħseb: ‘Kif se jkunu differenti ż-​żewġ rivisti? X’inhuma l-​vantaġġi taʼ li jkollna edizzjonijiet separati? Se jkun hemm xi aspetti ġodda fl-​edizzjonijiet il-​ġodda?’

² Id-​Differenzi: Il-​ħarġa taʼ l-​ewwel tax-​xahar se tkun magħrufa bħala l-​Edizzjoni Pubblika. L-​artikli kollha f’din il-​ħarġa se jiġu preparati għall-​benefiċċju tal-​pubbliku. Il-​ħarġa tal-​15 tax-​xahar se tkun magħrufa bħala l-​Edizzjoni taʼ Studju u mhix se tiġi offruta fis-​servizz taʼ l-​għalqa. Se jkun fiha l-​artikli taʼ l-​istudju kollha taʼ xahar sħiħ kif ukoll artikli oħrajn li jinteressaw partikolarment lill-​Kristjani dedikati. L-​Edizzjoni Pubblika tat-​Torri taʼ l-​Għassa mhix se togħġob biss lix-​Xhieda imma se togħġob b’mod speċjali lil dawk li m’humiex Xhieda li għandu mnejn ikollhom fidi fil-​Bibbja. Mill-​banda l-​oħra, l-​Awake! xorta se jibqaʼ jkollu l-​għan li jolqot lil iktar nies, inkluż ix-​xettiċi u dawk li r-​reliġjon tagħhom m’hijiex Kristjana.

³ Il-​Vantaġġi: Fl-​Edizzjoni taʼ Studju, mhux se jkun hemm iktar bżonn li jiġu spjegati termini bħal “pijunier” sabiex ikunu jistgħu jifhmuhom dawk li m’humiex Xhieda. Din l-​edizzjoni jistaʼ jkun fiha wkoll informazzjoni xierqa preparata b’mod speċjali għax-​Xhieda taʼ Ġeħova u l-​istudenti tal-​Bibbja li qed jagħmlu progress spiritwali. Xi ngħidu għall-​Edizzjoni Pubblika? Ladarba s-​suġġetti u l-​istil tal-​kitba se jkunu diretti lejn il-​pubbliku, wieħed li m’huwiex Xhud għandu jieħu pjaċir jaqra r-​rivista minn qoxra sa qoxra. M’għandniex xi ngħidu, kull Xhud taʼ Ġeħova se jibbenefika billi jaqra kull ħarġa. Minħabba li se noffru Torri taʼ l-​Għassa wieħed flimkien maʼ Awake! wieħed fil-​ministeru taʼ l-​għalqa kull xahar, se jkollna xahar sħiħ biex noħolqu preżentazzjonijiet effettivi.

⁴ Aspetti Ġodda: Hemm pjanati xi aspetti ġodda u eċċitanti għall-​Edizzjoni Pubblika tat-​Torri taʼ l-​Għassa. Aspett wieħed se jiddiskuti tagħlim Skritturali bażiku b’mod tassew sempliċi. Se jkun hemm aspett ieħor dwar kif il-​Bibbja tistaʼ tgħin lill-​familji. Se jiġu preżentati proġetti taʼ studju tal-​Bibbja għaż-​żgħażagħ. Kull ħarġa se jkollha artiklu li jenfasizza partijiet Bibliċi speċifiċi li jgħallmuna dwar il-​kwalitajiet taʼ Ġeħova.

⁵ Aħna nitolbu li Ġeħova jbierek dan l-​arranġament ġdid għat-​Torri taʼ l-​Għassa. Jalla din ir-​rivista, flimkien maʼ l-​Awake!, tilħaq bl-​aħbar tajba lil ħafna iktar uħud li jistħoqqilhom.​—Mt. 10:11.