Aħna Ngħożżu l-Privileġġi Tagħna!
1 Matul l-eżistenza tal-bniedem, Ġeħova ta lill-qaddejja tiegħu ħafna tipi taʼ privileġġi. Hu ta privileġġi kemm lill-irġiel u kemm lin-nisa, minkejja l-età tagħhom, jew l-istat tagħhom. (Lq. 1:41, 42; Atti 7:46; Flp. 1:29) Liema privileġġi jagħtina llum?
2 Xi Ftit mill-Privileġġi Tagħna: Aħna għandna l-privileġġ li niġu mgħallmin minn Ġeħova. (Mt. 13:11, 15) Privileġġ ieħor li ngħożżu hu li nfaħħru lil Ġeħova bil-kummenti tagħna matul il-laqgħat tal-kongregazzjoni. (Salm 35:18) Meta jkollna opportunitajiet biex nikkummentaw, aħna nagħmlu dan bl-entużjażmu. B’mod simili, jekk inqisu kull inkarigu fil-kongregazzjoni bħala unur, aħna se nwettquh bl-aqwa abbiltà li għandna. Nieħdu aħna sehem b’mod regulari fil-privileġġ taʼ li nżommu s-Sala tas-Saltna nadifa u f’kundizzjoni tajba?
3 Għalkemm miljuni taʼ nies jiddubitaw jekk it-talb tagħhom jinstemax minn Alla, aħna ngawdu l-privileġġ li talbna jinstemaʼ mill-iktar Persunaġġ importanti fl-univers. (Prov. 15:29) Ġeħova jagħti widen personalment għat-talb tal-qaddejja tiegħu. (1 Pt. 3:12) Hu ma jpoġġi l-ebda limitu dwar kemm-il darba nistgħu navviċinawh. X’rigal għażiż għandna, li nistgħu nitolbu “f’kull okkażjoni”!—Efes. 6:18.
4 “Ħaddiema Sħab m’Alla”: Wieħed mill-aqwa privileġġi li għandna hu li nipproklamaw l-aħbar tajba tas-Saltna t’Alla bħala “ħaddiema sħab m’Alla.” (1 Kor. 3:9) Huwa xogħol li jġibilna sodisfazzjon u serħan. (Ġw. 4:34) Ġeħova m’għandux bżonn li juża l-bnedmin biex iwettaq dan ix-xogħol, imma hu tana dan l-inkarigu għax iħobbna. (Lq. 19:39, 40) Meta għamel dan, Ġeħova ma tax dan il-privileġġ lil kulħadd kif ġie ġie. Dawk li jieħdu sehem fil-ministeru pubbliku jridu jilħqu u jżommu maʼ ċerti kwalifiki spiritwali. (Is. 52:11) Nuru aħna li ngħożżu dan il-privileġġ billi nagħmlu l-ministeru parti importanti mir-rutina tagħna taʼ kull ġimgħa?
5 Il-privileġġi mingħand Ġeħova jġibulna sodisfazzjon fil-ħajja. (Prov. 10:22) Qatt m’għandna nqisuhom bħala li huma insinifikanti! Jekk nuru li tassew ngħożżu l-privileġġi tagħna taʼ servizz, aħna nkunu qed nogħġbu lil Missierna tas-sema, id-Donatur taʼ “kull għotja tajba u kull rigal perfett.”—Ġak. 1:17.