Matul Novembru Se Noffru Ħarġa Speċjali taʼ l-​Awake!

¹ Ħafna nies għandhom mistoqsijiet sinċieri dwar il-​valur tal-​Bibbja. Jekk kitbuha n-​nies, kif tistaʼ tissejjaħ il-​Kelma t’Alla? Għala għandi nafda l-​Bibbja biex tidderiġili l-​passi tiegħi? Jekk naqra u nistudja l-​Bibbja, liema benefiċċji se nikseb mill-​ħin u l-​isforz kollu li nkun investejt? Liema traduzzjoni tal-​Bibbja għandi nuża? Dawn huma ftit mill-​mistoqsijiet li jiġu mweġbin fil-​ħarġa speċjali taʼ l-​Awake! taʼ Novembru intitolata “Can You Trust the Bible?” (Tistaʼ Tafdaha l-​Bibbja?).

² Aħna se nqassmu din il-​ħarġa speċjali taʼ l-​Awake! fit-​territorju tagħna b’mod estensiv. Jekk ikun possibbli, ħu sehem fil-​ministeru minn dar għal dar mal-​kongregazzjoni kull nhar taʼ Sibt matul ix-​xahar taʼ Novembru. Uri din il-​ħarġa taʼ l-​Awake! lill-​qraba, lill-​ġirien, lil sħabek tax-​xogħol, lill-​għalliema, lil sħabek taʼ l-​iskola, u liż-​żjajjar lura tiegħek. Ġorr xi kopji miegħek meta tmur tixtri jew meta tkun qed tivvjaġġa. L-​anzjani ordnaw xi kopji żejda sabiex il-​kongregazzjoni jkollha provvista biżżejjed.

³ Ibda Studju tal-​Bibbja: Jekk tħalli r-​rivista, tistaʼ tħejji l-​pedament għal studju tal-​Bibbja qabel ma tikkonkludi l-​konversazzjoni tiegħek. Per eżempju, tistaʼ tgħid, “Darb’oħra, nixtieq nurik it-​tweġiba mill-​Bibbja għal din il-​mistoqsija, ‘X’inhu l-​iskop t’Alla għall-​art?’” Imbagħad, mur lura bil-​ktieb Il-​Bibbja X’Tgħallem? u uri lill-​inkwilin paġni 4-5, jew ikkunsidra paragrafi 1-3 taʼ kapitlu 3. Inkella tistaʼ tgħid, “Darb’oħra, nixtieq niddiskuti profezija Biblika li qed titwettaq proprju bħalissa.” Meta tmur lura, uri lill-​inkwilin kapitlu 9 tal-​ktieb u ddiskuti miegħu paragrafi 1-3. Jew tistaʼ sempliċement tgħid lill-​inkwilin: “Ħafna jsibuha diffiċli biex jifhmu dak li jaqraw mill-​Bibbja. Darb’oħra, nixtieq nurik kif tistaʼ tifhem il-​Bibbja tiegħek aħjar.” Fiż-​żjara lura, introduċi l-​ktieb Il-​Bibbja X’Tgħallem?, u uri kif isir studju.

⁴ Il-​Bibbja biss fiha “l-​kitba qaddisa,” li kapaċi tagħmilna ‘għorrief għas-​salvazzjoni.’ (2 Tim. 3:​15) Għalhekk, ilkoll kemm aħna se nkunu rridu nieħdu sehem żeluż f’li nqassmu din il-​ħarġa speċjali taʼ l-​Awake! biex ngħinu lin-​nies jiżviluppaw fiduċja fil-​Bibbja!